[poem=font=",6,blue,normal,normal" bkcolor="transparent" bkimage="" border="none,4," type=0 line=0 align=center use=ex num="0,black""]
يالله طلبتك تكتم انفاس الادناس=وتهلك دروب العار في كل دوله
اللي يبيعون الشرف لأكثر الناس=ماتت مشاعرهم بيسر وسهوله
تحطيم في وضع المشاعر والاحساس=دناءة الاخلاق صعبٍ قبوله
مافيه بيت الا يقوّم على ساس=وان قام دون الساس سهلٍ ميوله
الناس في وضعٍ خطيرٍ وحساس=غيرة رجال الوقت هذا خجوله
واحدٍ على وضح النقاء للزمن داس=ماهمه ان قالوا له الناس هوله
الناس لامن شافوا ابن الوفا راس=قالوا معقّد ذابحته الرجوله
دقت طبول الحرب دقّن الاجراس=وبدا التحدي لجل كسب البطوله
وحضر فريقين التحدي على الكاس=والكل منهم له على الخصم صوله
وبدت مباراة التستر والانجاس=وانهزمت جموع التستر بجوله
ياللاسف تقليد الاجناب نبراس=عند الذي مايستحي من فعوله
موضات غربيه بقصات ولباس=ضاعت تقاليد العرب في سهوله
يسعون في نزع المروه من الناس=واهانة الامه مبادي سعوله
وسواق واسواق الفضايح والافلاس=وسواقة المرأه مبادي دعوله
حتى التبرج طالبوا به على ساس=نصير مثل الغرب عرضه وطوله
لكن على ماقيل يبطون الادناس=مادام حنا في حمى اعز دوله
ديرة هل التوحيد حيين الاحساس=اللي على دين الاله ورسوله

[/poem]الشاعر/محمدعواد الويباري