السلام عليكم ورحمة الله وبركاته
هذي قصيده المسابقه والله أني نسيت لأطرحها لكم
لأن كان في بالي أطرحها صوتيه وملحنه وها هي : لآمسامعكم وآهدابكم
ولو أن اللحن مستهلك لكن تقبلوها .. وما أنـا إلا تلميذكـم
وإنشاءالله تنال رضاااكم واستحساااانكم
[RAMS]http://www.m5zn.com/uploads/2010/8/23/embed/0823101708538wr8cdb.mp3[/RAMS]
[poem=font=",6,darkred,normal,italic" bkcolor="transparent" bkimage="" border="none,4," type=2 line=0 align=center use=ex num="0,black""] ياهاجسي فج الفضا اشلع كما الطير=ولا تشرف إلا فوق روس المبادي
سهيل اليماني فيه سِجة التفاكير=البوح وعي وللحضاره بوادي
تسقي ثنايا الحرف تنبت نواوير=والرّي..لعطشان الوفا بالريادي
درب النقا واضح لك به مشاوير=دربك..لو أن بعض العرب قال غادي
للمفتهم !! سهله ولا احتاج تفسير=وبحر المعاني فيه فن التمادي
انبيك ياللي تسأل..؟ ونيتك خير=أنشد..! وحاضر الفكر لك ينادي
الرشد ماهو لمن يحسب المخاسير=والمـد. . من رزّاق كل العبادي
الطيب فرّق اجزله بالمناعير=وقت الرخا ودونه من الوقت حادي
ومعروف جوده ما يجي بالدنايير=ويغنيك به واحد بروحه يفادي
قليل فضله ما تلمه قناطير=وكثيره يصافح جميع الآيادي
والحلم صبرك بالليالي المعاسير=والعين عافت به لذيذ الرقادي
ما هادها سلم الهوى والغنادير=سبحان من صخر له الدرب هادي
دام الرجا جور الليالي المقادير=للعز سلاح وبالمكارم زنادي
الدلو ينضح لاورد جمة البير=واللي يمد الخير نال المرادي
والعمر لو غـَيّهب نسوق التباشير=ما تنكسر به عزتي والعنادي
يفنى ! ويبقى لأصدق الفعل تأثير=ومن لا فعل يصبح مع الكل غادي[/poem]
،
وسلاااامة نواااظركم
،
،