حدعلمي بالفرح يوم كنتو بالوجود=قبل اودعكم وداعٍ مايجي عقبه لقى

وعقب ماودعتكم للمقابر واللحود=كل يومٍ ماء عيوني لخديني سقى

دمع عيني كل ليله جرى فوق الخدود=وضيقتي دايم تزورن وفي هم وشقى

جعلكم في جنة الخلد في زرع وورود=وعن لهيب النار في رحمة الله عتقى

والله اني ضيقتي به تعديت الحدود=واشهدان فرقا الاحبّه على القلب محقى

ياكريم الوجه يارب يالحي الودود=تجمع الاثنين في جنة الخلد وتقى

ابتهل وادعيك باسماك في وقت السجود=وادري انك تعلم الحال وانت المتّقى

والله اني دارين مابها الدنيا خلود=وكل مابالكون زايل ( ولله) البقى

وادري ان امر القضا حق والعمر محدود=والحظيظ اللي على سلّم الرحمة رقى

مار طبع النفس تحزن وذا شي معهود=سنة ( الله) في عباده اليا يوم اللقى