خلص كل الكـــلام ولا بقــي غيــر القصيد اعتـاب
نشـف وجــه الجـراح ولا بقي غير السهر راحه
.
سلامــــاتٍ تطـــــولـك لا تجينـي خـــايــفٍ مرتـاب
ترى لك وحشـــه مثل الظـــلام ان مات مصباحه
.
ترى لعيــوني اكثــر من صديق وللخفوق احبـاب
اشــوفك تختصــرهم في خفــوقي يـااول جـراحـه
.
على هــونك .. ترفــق يا شتـــاي البــارد الكـذاب
تراهـــا.. قفلتيـــن .. الطعنتيـــن ان قلـت ذباحـه
.
بشــوفك .. بلمحــــك .. بتذكـــرك لاغابـو الغيـاب
وأبــا اصــرخ من حشاي ورحله الغفران تفاحـه
.
ألا يا كبــــرها وانتـى وانــــا واثنينــــا الاغــراب
على قلــبٍ خســــاير غيـــرتـه فـي ذمــه ارباحـه
.
رهنت لغيبتـــك ظـلٍ نحيــــل ودمعتيــــن وبــــاب
على قلبـي قفلتــــه والــــوفـــــا همـه ومفتاحـه
.
تفضل نعمه النسيــان ما ابغي لا ابتعدت اصحاب
عطايــــــاك القـديمه والجديـد اليـاس وارماحـه
.
بقي طيفٍ باحرسه في عيــوني لك عليه اهداب
ولاني حاجبــــه يــــا وجهتـه لا هـداك مرواحـه
.
خلص كل الكلام اهديت لك لون الوداع اخضاب
مهر كــــفٍ دفاهـــا من عـذاب مصافحـي راحـه
.


للشاعـر / نايف صقــر ..