ملبوسها صنـع الولـي الناظـره=اللي جميع النـاس ماتـدري بهـا
لاجيتهـا حلـت علـي العـاثـره=اموت فيهـا دايـم واحكـي بهـا
دار الشيوخ اللي فعولـه جاهـره=ماحاشت الهزله وانا ببـدي بهـا
وحتى القصايـد لعنبوهـا ناعـره=لا شافت الموت الذي يسري بهـا
اموت بيـن الخافيـه والضاهـره=واعلن علن باني عشقت مغيبهـا
دار الكرم واهل الفعـول الكاسـره=حائل تسمع ويش انا يثنـي بهـا
افخر بربعي فالحضـوض العاثـره=شمر هل العادات عنـد مصيبهـا
الطيـب وسـم ماخـذوه متاجـره=من دور حاتم والصخي يجري بها
والفعل كل الناس طيبـه شاهـره=وباق القبايل لاحشى مااسوي بهـا
كلن يجـي حقـه علـى منابـره=بس الفخر يستاقني وارهـي بهـا
شمر وشمـر بالسنيـن مصابـره=تسعين ليلة بالصريف أ روِي بهـا
وشمر وشمـر فالليـال الجاهـره=عـزً يعـزك شبهـا مـع شيبهـا
وشمـر وشمـر ماليـه مباهـره=ماشفت بيت ( ن ) صك يوم تعيبها
وشمر وشمر عجعجـت مباخـره=ارياح جاوي عيبهـا هـو طيبهـا
وشمر حرارً بالسمـاء ومفاخـره=وللقاع سيـل دارج يـدوي بهـا
وشمـر تراهـا للوفـاء متباهـره=وبينه وبين الطيب عهد جزي بهـا
هاك القصيد اللي نظمهـا شاعـره=حلل وش الكلمه قبـل لا تجيبهـا
بعلمك يوم انـت وسـط القاهـره=قلي وش اللي جبت فـي تثريبهـا
ناس تتقـت بالبشـوت الفاخـره=وحنا نعرف بشوتها واللـي بهـا
افطن ترى بشتك رفتـه الماهـره=وروس الحيايا بالقدم وطـي بهـا
تـرى مواجيـع الظهـور اباهـره=والطعنه اللي بالقفى ماامشي بهـا
وجه بوجه اقـره وحلـل ظاهـره=واللي خفى لازم معي تـدري بهـا
جن القصيد وعرشها مع ساحـره=تسوقني واعلامهـا بامـوي بهـا
لا بـاول الدنيـا ولا بـااواخـره=الشمري لا من غزى سمـي بهـا
ياعادل اقر الشعر وافتـق ناحـره=وعلم ردي الساس قبل ادوي بهـا
خلـه يجنـب دقدقـت منـاجـره=من قبل نقطـع عاتقـه ونليبهـا
وزبد الحكي صامله يرفى قاصـره=والكلمه العوجى رجوتـك سيبهـا