السلام عليكم ورحمة الله وبركاته...
اضع بين يديكم قصيده متواضعه
واتممنى تحوز على رضاكم....والنقد بكل أمانه بغض النظر عن قسوة الحرف..

بداية///اليكم التالي..
اشكي عليك من القهر وش جرالي
لاتلبس البرقع وعيني تــــــناديك

ياطير أنا العزه ترى راس مــــالي
خلك بجنبي دام شعري يحاكيك

ثم...اتوجه لقساوة الشعور الذي
ينتاب برائتي..بأقسى العبارات
وأتمنى أن لاتستضيق أعينكم..
منها..

زلزال دمع(ن)يرجف عروق عينك
وتصير من وبله كما حال مسجون

وتعيش ضايق ضاميات سنينك
ورقبتك لسيف العداله يجرون

شي عملته لبعد موتك يدينك
موت بكرامه أخير من عيش مغبون

ياحيف ياوقت(ن) مضى بين أيدينك
بالآخره عند الولي كلك (ديون)

ياظالم(ن) ليت الخلايق تهينك
وتموت بأرض شهار ويقال مجنون

أفز من نومي وأساند وأعينك
كل شي مني جاك بالهون بالهون

وحتى العرق أجففه من جبينك
ولاضاقت أيامك على الراحه تمون

يالتني ماجيت وبحت بكنينك
ماأقدر أناظرلك سوى نظرة الدون

كنت تغافلني بجرة ونينــــــــك
وأمشي على النيه ومقصدك ملعون

حرام أنا وشعري بعد قاصدينك
دنياك سوداء مابها أبيض اللون

حالي حزين وعلتي من يمينك
وشلون أغفر زلته وكلي طعون

ثم...

غلاك دمع(ن) من عيوني تنثر
صعبه ألمه بعد ماطاح مني

وسلامتكم يالغوالي