اشتاق لوحيت طــــــاروقـك وغنيتـه


كنك تغني على الحـــاني وطاروقـي

ياكاتب الحـــــرف سامرته وخاويتـه
في كل مـره يفــــــورالـدم بعروقـي

قريت حرفك وهـــــم القلـب داريتـه
ماودنا ينكشف مع كـل مخلـــــوقـي

الورد مالت غصونه يــــــوم ناجيتـه
يلي بشعرك بديع الحسن والذوقـي

سامرت ليل الهواء والقــاف سريته
والقلب دايم بدنيا الشوق ماسوقـي
انشهدانك جــــــريـح الوقـت عنيتـه
بعــــــد تشاوا سقيته بـارد الشوقـي

القاف طرقي غــــــرام وبيتكـم بيتـه
وانته تقول الغرام من ابسط حقوقي

اشتاق لـــــــوحيت طاروقـك وغنيتـه
كنك تغني على الحانـــي وطاروقـي

مجارة الشاعر العذب/ماجد القحطاني


يامرحبا بالجزيل اللي تقديته

وامطرعلى ساحل افكاري ومنطوقي
أروى يباسي وهيضني و شــــــــــليّته
من نايفً للجــــــــــزيلة ترجم اطروقي

كنّك توصف شـــــــــعوري يوم عنيته
هيّظْتني واســـــــتثار الدمع من موقي

من ماقفً للمشاعـــــــــــــــر ما تمنّيته
أدمى خفــــــوقي و كَــــثّر فيني فتوقي

أزريت أخبي شـــــعوري لكن ازريته
واستفحل الشوق فيني ساقني ســوقي

الشعر صوت العــرب ديوانه و صيته
ميدان جزل المشاعـــــر يبرق بروقي

يا من لجــــــــــزل النوايف كم تعليته
ترقى سنود و تناجي شمسك اشروقي

عَـــــــز الله انك لبيب القــــلب داويته
وارويت بالشـاردة تفكــــيري و ذوقي

نايف و شعـــرك تسامـــــرته و كنّيته

و امطر على ساحل افكاري و منطوقي