أبغى قلم ..

.. وأبغى مساحةمن ألم ..
محتاج أبوح ..
.. محتاج أفضفض هالجروح ..
وأعرف من فينا إنظلم .. !
,
يا شعر ضاع بلا وداع ..
رد في قلبي دخيلك .. وانتشلني من الضياع ..
ودي أحكي ..
ودي أشكي ..
ما قدرت أصبر بدونك ..
وإن قدرت أعيش تبقى .. لوحتي أجمل بـ لونك .. !
لا تصدد ..
عطني وجهك .. خلني أرسمعيونك ..
يمكنالدنيا تزين ..
لا تردد ..
عاشقك قلبه حزين .. !
لَبّ صوته ..
هات هذيك السنين ..
يا قصيدي ..
عطني منك شوي .. ومني خذ كثير ..
لا تخيّب فيك ضني يا كبير ..
يا وطن .. ما له ملك ..
يا غدير ..
من ضمى ثم ارتواه .. ما هلك ..
عطشان .. متغرب .. وأبيك ..
رد في قلبي دخيلك .. وانتشلني من الضياع .. !

إرتاح ولا تقلق علي .. صاحبي عيش ..
دام السماء فوقي وهالأرض حدري ..

وإن مت حلل قلب فـ الحب درويش ..
أسرف لغيرك وأنت ما ذقت هدري ..

كله من إحساسك ..
إذا صاح أبي عيش ..
غذيته بروحك، ويشكرك غدري ..

فتت بقايا العمر فـ ايديك بشويش ..
وارحل مع النسيان والوقت بدري ..

طنش وخذ مني معك بس تطنيش ..
عشان أطنش كل ما ضاق صدري ..

ضوضاء فكري ما تبي زود تشويش ..
داري .. تبي ترحل ولا ودي أدري .. !
.....

لرضآ ذآئقتكم يآ أحبه

,,,