يقول الشاعر الأمير بدر بن عبد المحسن واصفًا أهداب العيون:

تقول اللي طرف عينك أنا مدري هدب أو عود
أحس أني من اللي صابها ما شوف قدامي

ضحكت، وقلت لا تخافي على بحر العيون السود
على شط الكحل مريت، وهذا موضع أقدامي

أدوّر عن ذهب عمري، أدور كنزي المفقود
وأشوف الموج يطوي الموج ويبحر مركب أيامي

عيوني بسمة اعيونك ولو صارت مطر ورعود
أبا اشرب من ظمأ دمعك وأبا اغسل جرحي الدامي

عطيني عيونك الليلة، وباكر يا عساه صدود
أمانة لا مسحتي الكحل خلي طيف أحلامي

أحبك كان يكفي الحب جروحي في هواك شهود
أنا اللي رأس مالي حلم، وهم الدنيا قدامي




منقولهـ