تبيه..
تحت الليل..
وسياط النظر والخوف

تبيه
والميعاد عيّا ينتظر ملهوف..
تبيه والساعة دهر

ما مرّ
ما أرسل خبر

تبيه..
ما ملّت وظلت تحتريه

كل الوفا شفته على ذاك الرصيف.. ذاك المسا
كل الجفا شفته على نفس الرصيف .. نفس المسا

كانت تعض ابهامها حيره
كانت تشب وتنطفي غيره



كانت تموت وتحتضر.. وكانت أبد ما تنتظر غيره

آه يا قلبها .. مسكين ما يدري
أن الهوى سكين يجرح ولا يبري



وان الوهم أحلى حقيقة في الغرام..
وان الحبيب اللي تبيه .. أحلام
آه يا قلبها .. هذا زمان صعب
يموت فيه الصدق .. ويعيش فيه الكذب
يا قلبها
لا تنتظر
دور لها… على غيره