وين انت :: لـ محمد بن حدري

[poem=font=",6,white,bold,normal" bkcolor="black" bkimage="" border="none,4," type=2 line=0 align=center use=ex num="0,black""]
وين انت ياللي كـل ماجبت طرياك=تقدح شرار الشوق ويذوب شمعي
قرب.. وسمعني عشق من شفايـاك=عذب الكلام اللي له ايزين سمعي
ياكيف ابروي من حكاويك..وارواك=سوالفك وسط الحشا لها وقعي
من دون كل الناس خذني لدنيـاك=لااندم على فرقاك.. ويسيل دمعي
يشرح خفوق(ن) في قدومه اليا جـاك=لحظة بعادك .. دايم يزيد وجعي
لاقلت في نفسي بباعد .. وبنسـاك=ترجف عظامي ..ويندمر كل وضعي
مركب غرامـي راسي(ن) قرب مينـاك= موج(ن) من الأشواق والشوق طبعي
عطني حنانك..لاتذكر اليوم فرقاك= ماعاد به تبرير او عذر شرعي
اقسم برب البيت لليوم أهواك=خلك قريب يا بعد كلي و ربعي[/poem]