صفاتك كماهي

[poem=font=",6,limegreen,bold,normal" bkcolor="darkred" bkimage="" border="solid,4,blue" type=2 line=0 align=center use=ex num="0,black""]
لو إنك تروح الهند والا بلاد الروم=صفاتك كما هي خايبة ما تغيرها
أقول أنت يا مغرور لا بد لك من يوم=حياتك بتدبيرك مصيرك تدمرها
تخادع وتتظلم بحسب إنك المظلوم=خسارة على نفسك إذا ما تبصرها
إذا كنت من كل الوفا والشيّم معدوم=فلا بد من ساعات لبطال تذكرها
كثيرين مثلك يكتنفهم شعار اللوم=وشخصيتك مهزوزة (ن) من يقدرها
لو أنزلك للسوق لا ابيع باول سوم=ومن يشتري يفقد نقوده ويخسرها
هو أنت الذي من صاحبك يعتبر محروم=عسى طينتك رب الملا ما يكثرها
ترى خصمنا مهما سعى ينثني مهزوم=وترجع رماحه فوق رأسه يجبرها
أنا الشاعر اللي في صفوف الحكم حيزوم=سطوري مع ليام كل يكررها
تعلم ترى وقتك يبي كل شي معلوم=ونفسك ردية تكشفك لو تجوهرها
لو أقول يا من هو يقرب ردي القوم=على طول جابك لجل سمعتك يكسرها
مواقفْك معروفة وتبقى كماهي دوم=كما الشمس في وسط الضحى كيف تنكرها
إذا كان غشوك الجماهير يا مذموم=جماهيرك أعطيها قصيدة تحيرها
تراني حذيرك خلني في عميق النوم=ترى نومي أفضل لك وعينيك خدرها [/poem]