الهجووووس !!

الهجوس


[poem=font=",6,blue,bold,normal" bkcolor="transparent" bkimage="http://www.b3b7.com/vb/mwaextraedit2/backgrounds/17.gif" border="double,4,darkblue" type=1 line=1 align=center use=ex num="0,black""]

الأ يا هجوسـي كلَّمـي قلبـي الملقـوف=ترى وضعنـا يحتـاج فزعـه وتفريعـه
وقولي له إنك ما أنت بأهل العيا مكلـوف=ولا بالحـلا والمـر شغلـه وتصنيـعـه
وعليك تعرف ماكل ركَض البشرمخلـوف=وكـل يفسـر حجّتـه حسـب تشريعـه
ترى الحرب ماهوزرق حربة وطعن سيوف=أ بضرب مثـل قـدّام عضـه لأصابيعـه
وش إيصيربسكاكا لوإنه يـزول الجـوف=ويجيها الحيا مع ريع ثانـي مهـو ريعـه
وترى السيل لامنه تحادا يطيـح الـروف=وترىالسهل طش الحب والصعب تجميعـه
ولمنا تركنا الرمز نلعب علـى المكشـوف=نقول الضبيعيـه تبـي تصبـح ضبيعـه
يبى يقطع الناقـوط ويقلَّـص المصـروف=ويطيع الصَّعب ويزيـن طبعـه وتطبيعـه
وترى اللي يشيل السنبله والزماله عـوف=يقـوم ويطيـح ولا يكـمّـل مشاريـعـه
بغينا نسافـر كلنـا وإعتـرض منقـوف=يبينـا وهـو خسـران نحهـد بتشجيعـه
ما دامه تعرَّض وإعترض وانكرالمعـروف=نبي نشتري هم أقـرب النـاس ونبيعـه
يحسب الثقافه شرب ببسي وهز إكتـوف=بغانا علـى مـا تطلبـه نفسـه إنطيعـه
ويبي له عماله والعمـل بالبلـد موقـوف=بلشنـا بـذا القرنيـن قرنـه وتلميـعـه
يعرف الخطأ لكن عذره يقـول إضـروف=يقول الدبـل باللّعـب مـا فيـه تربيعـه
ولكن تبي تبقى حياتـه بامـان وخـوف=لحتـى يجيـه حنيـش ياكـل جرابيعـه
وانا قلت باقي بالرسالـه ثـلاث حـروف=مادام الحدث من عصـر بانـت مطاليعـه
وترى جمعهن سبعة وسبعيـن للملهـوف=وثلاثيـن والشفقـان تكمـل مطاميـعـه
طرقنا الوبرمن شان يسمع وشيع الصوف=وإذا ما سمـع نبـدأ بطرقـه وتقطيعـه
معازيب حنا كيف نرضـي نصيرضيـوف=على ماذكـر غـوَّار ياضيعـة الضيعـه
ونبي نكتفي ونكـف والكاتـف المكتـوف=يضيع ويضيّع ضيعتـه مـن مواضيعـه
سليم النّظر لكـن بعينـي يقـل الشـوف=على قولت المصري نكد مـن مجاميعـه [/poem]ابو جمال المنيس