ما يفرقنا عن الويلان ؟؟؟

هذه القصيدة قلتها عندما كان هناك شخص من قبيلة عريقة ولكن تضايق من موضوع

قمت به انا واخوي وصديقي فارس الضيدان العنزي فانا جمعت اغلب شعراء شمر الذي

يكتبون بالساحة الكويتية وحاولت جمع رايهم للتعاون لمصلحة بعضهم بدون الاساءة للغير

وكذلك فعل فارس الضيدان ثم حاولنا جمع شعراء شمر وعنزة بالكويت لكي يكون هناك

تعاون بين شعراء القبيلتين وفي تلك الفترة كانت الصحفة الكويتية وخصوصا صفحات الشعر

يديرها شعراء من القبيلتين والتعاون المطلوب هو اولا عد الاساءة لاي من شعراء القبيلتين

صحفيا وتقديم ما يمكن من مساعدة فيما بينهم وهذا التعاون ليس على مصلحة الشعر

ولا الشعراء الاخرين ولكننا بعصر العلومة والتجمع و العمل الفردي انتهى دوره .

ولكن هذا الشخص ضايقة ذلك الكلام وسمى هذا التجمع بانه موجه ضدة وضد ناس

يحملون اسم الحداثة ولا يعرفون الا قشورها .


[poem=font=",6,darkblue,bold,normal" bkcolor="transparent" bkimage="http://www.b3b7.com/vb/mwaextraedit2/backgrounds/17.gif" border="double,6,darkblue" type=1 line=1 align=center use=ex num="0,black""]
ماعرفنا طيرإبن برمان وش فيه إمتضايق = كل طلعت شمس بين الناس يومي في شليله
فوق من نومك لكان إنك يا مسلم مأنت فايق= وإعرف إن الموت حق وسفرتك سفره طويله
أنت أشوفك من ثلاث سنين فكرك غير رايق= لا تدل الدرب زين ولا تدوّر لك دليله
لو تسابقنا على وارد عراوي مانت سايق = ما يسوق السكسويل إلا سواويق التريله
وكان تبي النصح لا تدخل يدينك بالحرايق = والخيال إليا تعدى عنك لا ترجع تخيله
الزمن محسوب بحساب الثواني و الدقايق = وكوكب البريّت ما يحسب مثل نضح الثميله
والمعره ملك للنعمان لو ما له شقايق = وملك شمر من جبل سنجار لحدود الرعيله
لو فتشت دروج بوش الأبن حصلّت الوثايق = وإن فتشت دروج بوش الأب وش تقدر تشيله
من كتاباتٍ عن التاريخ بعصورٍ سحايق = والعصور الحاضره مالك بها حيلٍ وحيله
الجدي ثابت على مر الليالي ما يوايق = مثل نجم سهيل لا منه طلع خمسين ليله
لا تحاول تعكس التيّار وتعكس الحقايق = المسافه بين قطبين الفضا ما هي قليله
ما يفرقنا عن الويلان يا غير البطايق = ابك حنا دولتين كبار بمسمى قبيله
وأبك حنا كاملين الوصف في كل الطرايق = كاملينٍ بالكرم والطيب وسيوفٍ صقيله
وبالختام أنصحك فكِّرزين كان أنت إمتضايق = شوف لك بابٍ على قدك لاتدخل مع زويله[/poem]





ابو جمال المنيس