(الصديق المثالى)

السلام عليكم ورحمة الله وبركاته
من القصائد القديمه
\
\
صديقي اللي للمهمات ضاري
اللي يمد كف تميز على الغير
***
يبين وقت الملزمه والطواري
ولايتتقى أويدور معاذير
***
هذا الصديق اللي لظروفي يجاري
اللي سند عون على الشر والخير
***
اللي يتقبل هكعتي وإعتذاري
ويقدر ظروفي ولايبي اي تبرير
***
له موقع بالقلب وفيه إفتخاري
أرفع له البيضأ بكل المناشير
***
أحفظ مكانه وله جزيل إعتباري
أبادله طيب ومحبه وتقدير
***
رجل اليامن الزمان أستداري
مايتركك وحدك على شفة البير
***
يقدم لك نفسه والجواري جواري
مايصد عنك لو ان امامه طوابير
***
يفداه من يبلشك مهما إتداري
وكل كلمه عنده لها الف تفسير
***
ماكنه الا اللي يقص الأثاري
يجيب شى مالقوه المداوير
***
دايم يجمل صورته بالهذاري
اللي يصخر تافه الحكي تصخير
***