رجال الشمع

[poem=font=",6,orange,bold,italic" bkcolor="black" bkimage="" border="none,4," type=2 line=0 align=center use=ex num="0,black""] ياخوي سمّعني من الشعرموال=واترك سواليف العرب والعروبه
ملّت مسامعنا تواريخ واجيال=مابالسوالف لونعيده عذوبه
نصنع رجال الشمع صوره وتمثال=نظهر محاسنها ونخفي عيوبه
الله كم شفنا ممثل ودجال=جهّال الامه للمنابر رقوبه
هذي سوالف ذكرها هم واذلال=وابو جهل ماظن يجهل ذنوبه
سولف عن احلامي وحبي والامال=دوبه يمر الليل خجلان دوبه
اللي معه فكري معنا ورحال=يمر لاهبت نسايم هبوبه
قلي وش اخباره وقله عن الحال=وعن شمسي اللي مقتفيها غروبه
قله تحريته على ذيك الاطلال=اخيل وصله والسحايب كذوبه
مر الزمان وضج بالصدر خيّال=يطوي بقايا فرحتي في دروبه
اضنا ضلوع اللي من الهم يكتال=الهم زاده واسود الليل ثوبه
انا مولع والمقادير تغتال=قلبٍ على سمع الملا عذربوبه
ليت الهوى قصه قصيره وتنقال=ماكان قلبي صحبتي نكلوبه
ولاكنت اداري بالعبث دمع رجال=وانكفت لوقلب الهواوي غدوبه
جربت واثر الحلم زله وزلزال=اصبح على من يعشقونه عقوبه
هي مسآله درب ومشاوير واميال=اليا متى ذنب الليالي نتوبه
لكن اليا زالت طموحات مازال=عطفٍ من الباري ولطف ومثوبه
وان كان غصن الراك بالعاصفه مال=حنا وقفنا للزمان وهبوبه[/poem]