باعك

أعتذر عن طول الغياب أن كان هناك من حس بغيابي
جديدي (باعك):













حتى ماأنساك ياشعري وتنساني
أبركب بمركبك وأتأمّل شراعك

قال الحذر لاحكيتك وأنت تنخاني
أبنزفك نزف لين أخفف أوجاعك

قلت أنتبه لي ترى ماني مثل ماني
الشيب بيّن وطبعي خالف أطباعك

قال الغزل ماتحبه ليش تبلاني
مالك سوا دربك اللي حطم أوضاعك

قلت انطلق به رفيقي لوعلى شاني
بأحاول أصبر لجل تعطيني أبداعك

قال أنت في هالطريق الصعب متفاني
الناس راحت وجالس تفرك أصباعك

قلت الوفاء يارفيقي صعب يجفاني
طعني مدام الفكر للحب ماطاعك

قال استرح دام سجانك وسجاني
ياطاء ببطني ويرجع يلوي ذراعك

قلت أنت ناوي تخليني مع أحزاني
وأنا أنتظر لحظة أتلذذ بذعذاعك

قال آه منك تغزل بي بعد ثاني
بجيك كلي وأنا ياصاح فزاعك

قلت البلد يارفيقي صاير يعاني
ويرّوع الوقت وأظنه بعد راعك

قال أنت تقصد مواطن بس علماني
أو ذاك سني أو اللي منهم أتباعك

قلت أيه تفريقنا مقصود بالعاني
والوضع سيئ على دارك ومرباعك

قال البلد حافظه ربي من أزماني
وذولا مساكين شبعوا رز من صاعك

قلت أنت صادق وشبعوا بعد حرماني
والبعض لامن شبع لأقرب ذنب باعك

ياموطني لجل عينك لابس أكفاني
أموت لكن تعيش وتنشر أشعاعك










أرجو من أحد المراقبين أن يقوم مشكوراً بتنسيق القصيدة
لأنني أكتب من الايباد ورفض القيام بالتنسيق