ملّت النفس يامشكاي زيف الوجيه

[/poem]



[poem=font="Simplified Arabic,6,black,bold,italic" bkcolor="transparent" bkimage="http://www.b3b7.com/vb/mwaextraedit4/backgrounds/88.gif" border="double,6,skyblue" type=1 line=0 align=center use=ex num="0,black""]
ايه جهز لناالموتر فدآك السفيه=وانت راع المخوه لازهمتك خوي
فوق شاص لياضاق المدى ننتخيه=مسندك يشبه ذويبان يوم يعوي
دق سلفه تسمع نغمته يالنبيه=يطرب اللي يوصل النايفه مهتوي
ان نطحته تقول الله واكبرعليه=وان قفيته ترددحيل ربي قوي
ان بدا بالتغطرس قمت تلعن ذويه=صممه واحدٍ مجنون ماهوسوي
ينتخي لك شجاعه كل ماقلت هيه=والمراديم لها بالجوبرق ودوي
عل دهم السحايب كل وادي تجيه=والصحاري برحمة خالقه ترتوي
ملت النفس يامشكاي زيف الوجيه=والمدينه بميسمهاكوتني كوي
ودناياعضيدي والسفرمشتهيه=يكفي اني من الضيقه سنه منطوي
ابعدالشوح والدرب الردي مانبيه=مايشيل الثقايل غيرزند بدوي
محزمك والثمينه لاشرت تشتريه=يوم غيره طريقه بالردى ملتوي
اطوي الارض واللي فات لاتحتريه=والوي ذراع ظرفك بالعزيمه لوي
لوتهب الهبايب خيلها نمتطيه=ومايهمك كتاب احذرومايحتوي
مالناغيرربٍ بالوزى نرتجيه=وكلّه دام قلبك هاويٍ منتوي
وقول يانفس بسك والعناودعيه=واطوي اللّي مضى لك ياعنيده طوي
شاعرٍ عاف هادنيا وغسل يديه=والمعاناة ناره يشتوي به شوي
ودآم شعري مزخرف بالذهب والجنيه=لين يضوي طريقي بالجزايل ضوي
واترك دروب حظٍ عاقدٍ حاجبيه=مابكت له مداين ماضحك للقروي
وانت ياراع الوقفات رايك وجيه=مابقى للمخوه غير مثلك خوي
[/poem][/poem]