هــــــيام الغــــــلا

من الارشيف لكم

[poem=font=",6,black,normal,normal" bkcolor="transparent" bkimage="" border="none,4," type=1 line=0 align=center use=ex num="0,black""]

البارحه بين العتب والمشاريه=يسوج في خافي ضميري كتابه
مثل الشجاع اللي يدور معاديه=قفى ابثاره ونتخوبه قرابه
قالوا غلا قلت الغلا مهتوي فيه=ليت الغلا محال دونه عذابه
ضاق الفضا من ضيقة الصدر ياهيه=وخيم على قلب المشقا كأبه
مدري غلا.. مدري على ويش.. نغليه=قطع عروق القلب ساعة ذهابه
يالعنبوا قلب(ن) قصر دون غاليه=وحالت هقاوي ذيب دونه ذيابه
ماغيره اللي في ضميري اخفيه=ولا بنات الكون.. غيره.. تشابه
خلن ابكتب شعر.. عندك معانيه=غريب لا كن بينكم لا غرابه
والغايب اللي.. حط حبي هقاويه=عز الله... انه مايسد بغيابه
اسمع كلامي وفتهم ياغلاويه= لاغاب راسي.. مالقيتوا رحابه
كم لي وانا دست العنا في محاريه=من شان مايزعل علينا جنابه
لبيه ياقلب الغلا... سم.. لبيه=اعاتبك.. وشره عليك.. بعتابه
هذا الغلا ماينعرف ضحك باكيه=دخلت بيتً بس ماشفت بابه
ياحزني اللي عزت النفس تدعيه=ويطلع حزن مع جر صوت ربابه
ودي اعزي جرح ولا اعزيه=ولا اعزي قلب مات بسبابه
والبارحه بين العتب والمشاريه=يسوج في خافي ضميري كتابه
[/poem]

قـــيــــــــس