ياكذوب الوقت شفنا لك جمال!!

من ارشيفي




خلــنــــي اصـفـق عــلى كـف الخــيال
ويـصــدفــق خــدك على برقـن يــخيل

ويــرتــزم غــيمــه على شمخ الجبال
ويمتــطر انســـه علـى جــرح الغـليل

وتـــرتــــوي بـالــقاع وديـان وسهال
ويتـــنـــاثر جيـــــدها قبــــل المقـــيل

ولــجـهـل بـالـجـهل يـلعـب بالجــهال
والشــكالى تـبتـشـر بـفـعل الجـلـــيل

ان عـكـسـت القـول عكسه ما يقـال
والـكـثـيـر اليـوم يـصبـح لـك قلـيـل!!

الجــواب اليــوم يــطـرح لـك ســوال؟
وســوأل الـيـــوم يـخـبـرك ابـدلــيــل!!

يـاهــمـاج الـمـي مـاهــــــذا الــزلال
ويا قــراح الـمـي لـسـقـوه تـــسيل!!

ياحـرام الـوقـت مـنـقـوعـك حــــلال
وياحلال الوقـت مـشـروبك علـــيل!!

العـزيـز الـيـوم يـطـلـع لــــه خـــمال
والحـقـيـر الـيـوم شهـــــد سـلسبيل!!

والغـنـي مـجـــــد ولا يـبــذل ريـــــال
والفــقـيـر مـن الـكـرم سمي بخيــل!!

والـيـمـيـن تـثـنـيـه بعـــد الشـمـــال
وشــجـاعـه تـخـتـبـي ابوجه ذلـــيل!!

والمغــازي قـسـمته بـين العــيــال
والنـشـامـا تـرتـعـد بعين الدخـــيل!!

والمّـره مـن زيـنـها تـلبس عـــقال
والرجل من شينها ينفض شـــليل!!

ياكــذوب الـوقت شفــنا لك جـمــال
وياصدوق الوقت ماعندك جــــميل!!

شـاه وقـت المـرجله بين الرجــال
والمــراجــل كــلها بوجه الهبــيـل!!

ولا تـزيعــل قـلتـها والـوقت قــال
ولا تــهـكم وقــتــنا لــه قيل قــيل!!

وخلــني ابــحر على صـفق الــيال
والقصــيـده تـنـتهي بك يـاجــزيل!!

قيس