يازين شوف البل

السلام عليكم ورحمة الله وبركاته

راقت لي

[poem=font="simplified arabic,7,white,bold,normal" bkcolor="darkred" bkimage="" border="double,9,darkred" type=2 line=0 align=center use=ex num="0,black""]
جعل السحاب اللي مزونه .. هماليل=اليا ومره الله .. وجاء منه همال

لاقامت بروقه تكاشف .. مع الليل=يفضح سنااا برقه دجاا الليل لاقال

يوم يتشقق في مزونه .. تهاويل=ترزم رعوده .. ويتهلل تهلال

يسري على دار الكرام المشاكيل=ليلين .. والماء من مناشيه ينهال

تسبق ذعاذيع المطر .. ريحة السيل=سيله مع الوادي .. من الجال للجال

ثم تكتسي بالعشب .. إحزوم ودحيل=حتى تشوفه .. راكبن روس الاقذال

يازين شوف البل .. تدك المداهيل=انا اشهد انها شوفة ٍ .. تشرح البال

أدخل على الله .. من ردى الحظ والميل=ماردني عنها .. ياكود أقشر الفال

يقطعك ياحظ ٍ على قشره بخيل=وليا صفت لي .. قام يصفق بي الجال

لكن أعرف .. ان المراجل غرابيل=ولازم نجربها .. على كل الاحوال

والمرجله .. مادربها بالتساهيل=ولايشتريها راعي المال .. بالمال

والمرجله .. تحرم على بارد الحيل=ومن لا كواه الوقت .. ماهوب رجال

ولا كل خلق الله هذولا .. رياجيل=ولا كل من تسرج له الخيل .. خيال

حنا نشوف الجدي .. ونلد لسهيل=ترى الجدي في حال .. وسهيل في حال

يالله .. عسى يوم السعد فالمقابيل=من عقب ماجانا من الوقت .. غربال

اي والله ان قلبي .. على الديره يميل=لو كان ماني خابره .. قلب ميال

والله وانا راع الغزالات .. ما أميل=الا لشوف البل .. وشوفة هوى البال[/poem]

ياربي احاول اسويها تنسيق عجزت

وعليكم السلام
منسقة تمام
يازين شوف البل تدك المداهيل
انشهد إنها شوفة تشرح البال
اختيار رائع ومميز
شكراً لك سواها قلبي

هلابك سواها قلبك وأشكرك ع النقل وصح لسانك ولسان شاعرها
تقديري لجهودك لاعــــــــدمنا وجووودك.

[blink]
تم التنســــــــــيق
[/blink]

القصيده رائعه جداً والذائقه الناقله أروع لحسن الاختيار وروعة القصيده
سواها قلبي .... كالعادة ماتأتين إلا بالثمين الجزل الجميل

مادري ليش تتكرر عندي المشاركات

راائع سلمت يداك شكرا

يسلموووو على هالذوق العسل

صح قلبك ونبضك على القصيدة الفخمة الجميلة
وسلمت يمينك

يسعدكم ربي مشكورين مررره على المرور
واسفه ع التاخير