حســـرة ســـ؟؟؟ـؤال

[align=center]


اسئله؟؟؟

ولكن ليست كأي اسئله

اسئله ممزوجه بمرارة الحسره

الله يبعدها عنكم وعن المسلمين عامه

لقلوبكم اهديها



***حسرة ســــــــــ ؟؟؟ ـــؤال***

جيت من جور السنين الماضيه بأقتل عناهـا
,,,,,,,,,,,,,,,,,,,,,,,,بعد ماكلي تضايق وأشتكى نفســـي عليه

بعد ماناظر صغير ويرضع من العين ماهــا
,,,,,,,,,,,,,,,,,,,,,,,,ظل به حسرة سؤال ودمعة(ن) ظلت عصيه

ليه نسكت والليالي مارحمتنا من شــقاهــا
,,,,,,,,,,,,,,,,,,,,,,,,ليه طيب النفــــس فينا مالقينا له بقيـــــه

ليه فينا الطيب كلمه؟..ليه نكره من بغاها
,,,,,,,,,,,,,,,,,,,,,,والردي اااه(ن) ياحسره صار يفخـر بالرديـه

ليه حتى الفرح فينا ضاق بالنفس وجفاها
,,,,,,,,,,,,,,,,,,,,,,,,ليه عشنا بعصر ثاني منه تشكي الجاهليه

جيت أبنثر هالمواجع دمع والخافق بكاها
,,,,,,,,,,,,,,,,,,,,,,,,تهت والدمعه تنادي وين راسك يالحميــه

وين نجرك؟ وين هيلك؟ ليه فنجالك عصاها
,,,,,,,,,,,,,,,,,,,,,,,,كيف نشرب للمعزه والخـوي خان بخويــه

كيف ننسى والدقايق تجرح الروح بمناها
,,,,,,,,,,,,,,,,,,,,,,,,كيف نكتب والحروف تمــوت فيها الابجديـه

ليه ننطق وألف لاء(ن) تقتل الكلمه بــفاهـــا
,,,,,,,,,,,,,,,,,,,,,,,,والسكوت أن طال دربه ينقلب صبحه عشيـه

ليه هو؟ومين يسأل؟ ضاق بالشكوى سماها
,,,,,,,,,,,,,,,,,,,,,,,,والسـؤال إن مات تبقى دمعته اخــر وصيــه




***وســـلامتــــكــم***[/align]