ظروف أرملة

اخواني أخواتي / السلام عليكم ورحمة الله وبركاته بعد غيابا طويلا
عن هذه الوجوه اليرة أتيتكم بهذه الوقفة راجيا من الله ان تشفع لهذا
الغياب ودمتم بكل خير وسلامة

[poem=font="Traditional Arabic,6,limegreen,bold,normal" bkcolor="transparent" bkimage="backgrounds/38.gif" border="solid,5,blue" type=2 line=0 align=center use=ex num="1,white"]
ياعرب كني مربط بسلسال الحديد=يوم جتني سالفة لرملة واطفالها
مانتهت من عدة الزوج والوضع النكيد=لين قالوا مات يا خي وحيد عيالها
قبل فترة مات خوها وابوها ياسعيد=والمصايب يا مخاليق تتوالا لها
كل ما قالت عسى يبتدي فجر جديد=جات صكات الليالي تمد حبالها
أه يا دنيا الحزن واه يا لهم الشديد=كم نفوس عقب فرحاتها يرثى لها
لو كتبت الشعر ماهي هوايه للقصيد=بس تأثير المواقف سبب موالها
وش مع الشاعر سوى نظم قافه والنشيد=بعد ما يشكي ظروفه على حلالها
كلما لفّت بك الذاكرة نحو البعيد=أقبلت لوهام لك خيب الله فالها
البكا والنوح يا بنت ربعي مايفيد=انصحك لحزان لا تحملين اثقالها
سلميها بيد ربك ويفعل مايريد=واتركي سود الليالي على منوالها
كم لها محرومة ما تهنت يوم عيد=من بكاهاعذبت عمها واخوالها
طالبك يا الله يا عالم أحوال العبيد=يا عظيم الشأن يا الله ترحم حالها
[/poem]