أولا كل عام وأنتم بخير
هذا القصيدة كتبتها في شهر رمضان العام الماضي أتمنى أن تنال إعجابكم
أخوكم
محمد الفريدي
كلن على ماقيل عاشق ومعشوق.=وأنا أحمد الله بالعشق مابلاني.
قلبي وهو قلبي ترى وسط صندوق.=محدن وصل قلبي ولأحدن لفاني.
وياسامع ٍ هرجي ترى الهرج مسروق.=ما لصحيح بوسط هرجي مكاني.
لا والله إلا عاشق ٍ ظامه الشوق.=والقلب ماقد قر وسط المحاني.
يكفخ بلا جنحان مارده سبوق.=حر ٍ بوسط الجوف شرق ويماني.
كله سبايب واحد ٍ كامل الذوق.=أكبر عيوبه لطف قلب وحناني.
صدفه أنا وياه في داخل السوق.=نفس المكان إن قلت نفس الزماني.
عصرية الجمعة بها الوقت موثوق.=في تاسع أيام الشهر برمضاني.
شاهدتها مابين خالق ومخلوق.=يالله يارحمان منها تحماني.
بعيونها سحر ٍ على رمش من فوق.=ترمش وكن السحر منها يغشاني.
ونظراتها زادت على الطاق مطقوق.=وراح العقل مني بلحظة ثواني.
وأقفت تخطأ مشيها حيل برفوق.=سبحان من صور وصوف الكاني.
لحظة ونظرات العشق جالهن بوق.=أبوق نظراتي وهي ماتعصاني.
ناظرت نظرت عاشق ٍ حيل مطفوق.=وصديت عن بعض الحكي في لساني.
وآآقلبي اللي راح مني بلاعروق.=راح وتركني قبل وقت الأذاني.
وأفطرت من صومي بلا حق وحقوق.=من سبت اللي صابني وإبتلاني.
ويالله يامرسل مخاييل وبروق.=تسمحلي إفطاري وأنا أصوم ثاني.
وسلامتكم