حاتم بذر فيها الصخى مثل الاشجار

[poem=font=",6,white,bold,normal" bkcolor="black" bkimage="" border="double,4," type=2 line=0 align=center use=ex num="0,black""]
يـالـلــه يـامـجـــري يـنـابــيـــع الانـهـار=ياكـافـل بالـرزق عـوج الـمـنـاقـير
مجري حليب الزور من حسك الاوبار=والتـمر بعذوق الـغريـس المباكير
يـاواحــد تـعـلـم خـفـيـات الاسـرار=وياكـاتــب للـخـلـق كـل الـمـقــادير
ويامـجـري سـود السحايب بالامطار=تسري مع العاصـف بلـيـا مواصير
ويـاعـازل سـود اللـيــالـي بـالانـوار=وياطــارد بـالـفـجــر سـود الـدياجير
يامنجي ذا الـنون في غـب الابحار=وسايق على الداب العمى لافح الطير
ياللي شفيت ايوب من كل الاضرار=وبـدلت له عـسـر اللـيالي مـيـاسير
ياخــالـق خـلــقـك عـزيـزيـن واحـرار=ويامـرسـل رسل الشريعه مـنـاذير
ترسل مطر جودك من المزن مدرار=لـديـار حـاتـم جـعـلها دوم في خير
حايل مواكير الـنـدى نـبـع الاخـيـار=ومربى الطيور الساطيات النوادير
دار لـهـا بـيــن الاجــــاويــد مـقــــدار=وقـصـيــدهـم بالـمـدح مثل التـقارير
عـشـريـن قـرن ومجدها فوق الامصار=وياما تغـنى بـــه شـيـوخ وشواعـير
حـاتـم بذر فيها الصخى مثل الاشجار=وابـنــه نـشـر فـيـهـا عـلـوم التفاسير
وبالخـيـل زيــد الخـيــر للـحـرب بيطار=وهذي ركون الطيب مثل النواوير
دين وصخى والسيف بكـفوف مغوار=وما غـيـرهـن لاهل البيوت المعاطير
دارٍ لـنـــا مـثـــلــه بـالاكــوان مـاصــار=ولا نلـتـفـت للي مشى عاكـس السير
واصـبـح لـنـا بالطـيب مارد ومصدار=ورث الجـدود الـتي تدوس المخـاطـير
سـرنـا على درب الـنـقــى ويـن ماسـار=ونـفـزع لـمن ضـاقـت علـيـه المـعـابير
ونكرم ونـقـضب بالـنـقـى غـيـبـة الجـار=ونقبل من الـمخـطـي جـمـيـع المعاذير
ولضيـوفـنــا بالـطـيـب حـشـمه ومـقدار=ودلال بـغـداد عـلــى واهــج الـكـيـر
ومـجـــالـس ريـحــه غــدى بــن وبـهـار=وسـوالـف تـطـرب صدور الخـطـاطير
ولـبـيـوتـنــا تـدعـيــك دقــــات الانـجــار=مـثـل الـسباع الـعـاويات الـمـشاهـير
ونجدع قـبـال الـضـيـف عدلات الازوار=ويـلـقـى بـمـجـلـسنــا معزه وتـقــدير
وبالشور حـنــا مـن صلـيـبـين الاشـوار=ونـرسـي الـيــا راح الــردايــــا مـذايـير
كـــبــيــرنـا مــع نـقــوة الــــقــوم مـا بـــار=وصــغـــيـرنــا يـشــبــه حـرار الـمــواكـيــر
ونـذكـر ولي العرش بـوقـوت الاسحار=نـقـضـي وقـوت اللـيـل سجــده وتكـبـير
ومن قال حـنـا يـاهـل الـعـقــل كـفـار=في كـتـب من تـذبـح صـغــارٍ مـقـاصير
قل ماذبـحـنـا سـاجــدٍ وقــت الاوتـار=وسـيـوفـنــا بالـطـفـل ماهــي مـجـاسير
ذبحة هل الـمـسـجـد هـي النار والعار=وخلوا هــروج الـمـهــزلـه والـمصاخير
صارت عـمـايـمـكـم سبب كاس الامـرار=وتكـفـيــرنــا مـالــه على العقل تـبـرير
وفــي ردة الـعــربــان شـــاهـــد وتـعــبـــار=حـنـــا غــديــنــا لـلـشــريــعــه مـســامير
مـاواحــــدٍ مـنــــا ظـــهــر مــنـــه الادبــــار=وبـسـيـوفـنـا عـدتـوا وجـيتوا مصاغير
والكذب مـالـه مع هـل الـعـرف مـعــبـار=والـذكــر مـايخـفـيــه حــس المـزامـير
ولا بـان فـجـره نـعـتــلـي فوق الاكـوار=نـسعـى لـكـسـب ارزاق ربـي مداوير
وعـنــد الـلــوازم مـا نـبـــادي بـالاعــذار=والـعـمــر مايـاقــــاه كــثــر الـمـحـاذير
درب مـشــاه جــــدودنــا ســر وجــهـار=طــابــوا ولا هـابـوا كـثـيـر الـمخاسـيـر
لو كان درب الطـيب فـي راس سنجار=ســرنــا عـلـى دربــه جـنـود وطـوابـيـر
عـاشـوا بـدنـيـاهــم مـثـل نور الاقـمـار=ومـاتـوا بـلا كـنــز ومـوارث وتـوفـيــر
يوم الـفـخر والـطـيـب فـي شـبـة الـنار=ومـجـالـس تـجـمـع وجـيـــهٍ مـســافــيـر
تـلـقـى سـوالـفــهـم بـمـاضـيـن الاخـبـار=وعـلـم الـسنـين الـمـسـمـلات المدابـيــر
وتكـثـر ونـاسـتــهــم عـلى ذكر الاخـيـار=الـلــي تـســيــر بحـامـيــات الـهـواجـــير
يـغـلـون راع الـطـيـب في كل الاقـطـار=عــنــد الـــدلال الـمـتـعـبـات الـمـبـاهـير
قـبــل يـصـيــر الـمـال للـطـيـب مـعـيـار=ويـحــوز طـيــبــه جـامـعـيــن الـدنـانـير
لو هو خـسـيـس من غريـبـيـن الاطوار=يقـعـد بوسط الناس يـنفـخ كـمـا الـزير
والـعــفــن يـنـفـخ وسـط وافين الاشبار=وش عـاد لـو عـدوه ضـمــن الهـوامـير
واهل الـندى ذاقت صواديف واخطار=ولو تـنـتـخـي شـفت الـنـشامى مخـامير
ويـتـيـمــنــا لــو يـسـفـــح الـدمـع مـدرار=مـحـدن يـجـره عـن لـهـيب الـمـصاهير
كل(ن)غدى مـن خـيـفـة الـفــقـر منـهـار=والـفـقــر ما خــافـــه فـروخ الـعـصافير
والبنـت حـطــوهـا تـحـت بـنــد الاسعار=يــبـي الـمـكـاسـب مـن جـمـيل التنانير
ونـسـمـع لـثـور من هـل الـمـرجـلـه غـار=لا قـام يـرمــي عـرضــهــم بـالـمـعـايـير
لا هو خـذى بـالـطـيـب مــارد ومـصـدار=ولا هـو سـكـت مـثل البنات الغنادير
الـحـــقــد فــي قـلـبـه كـمـا الــقـدر لا فـــار=يـشـعـل بـجـوفـه حـامـيـات الـدوافــير
ما خاف مظـلـوم دعـى وقـت الاسـحــار=ولا عـاقل يـعـطـي عن الكذب تحذير
والرجـم هـو حـظ الـشجـر زيـن الاثـمـار=لو ماظـهــر مـنـهـا عــداوه وتـقـصــير
طـبـايـع(ن) يصـبــح بـهـا الـقـلــب مـحـتـــار=والـلــه يـدبــرنـا بـزيـــن الـتــــدابــيـر
ولا بان مايـجـلـب عـلـى الـكـبـد الاكدار=نـطــرد هـوانــا فـي بـعـيـد الـمشاوير
نـطـوي صـحـاصـيـح الـبـراري والاقــفـــار=ومـرعـى الـنـيـاق الـمـكـرمـات المغاتير
هـــــذاك ســـراح(ن) وهـــــذاك دوار=وهــــذا يــــدوج بــيــــانــعــــات الـنــواويــر
وهــذا يـشـــب الــنـار مــع فــج الاسفار=وهـــذا عـــزل حـيــرانـها والـمـعـاشــيـر
وهــذا يـحــلــب مـن الـمـنـاجــيب مشكار=وهــذا يـمـوح الـدلـو من جـمــة الـبـير
اللـيــل يـمـضــي بــيـن الاطـعـاس سـمـار=تـحــت الـنـجـوم الساطـعـات الزواهير
وان غــابــت الـقـمـراء عـلــى ضـو الافنار=ونـنـسـى هـمـومٍ مثل جرح الشنـاكير
او هــرجــــةٍ بـأمـجــــادنـــا تـقـــل مـنــشـار=من عــالــمٍ تـاريـخــهــا بــس تـصــفــيــر
وفـسـح الطـبـــاعـه جـاهــزٍ تـقـل طـيــار=من لجـنـــةٍ مـالــه عـلــى الحـكـم تــاثــير
دام الـمــؤلـــف واحــــدٍ مـن هــل الــدار=فـالـلــي يـقــولــه مايـبــي زود تكــريــر
يـطـــبـــع دواويــنٍ عـلــى مــــاض الادوار=كـــلـــه لاجــل رفــع الرجـــالٍ المـثــــابــيــر
وده يحـجـب الـشـمـس يـانـــاس بـخـمــار=ويـرســم عـلــى كـذبــه جميل التـصاوير
وتـاريـخـــنـــا ثــابــت بـزيــنــــات الاشــعــار=ظـاهــر ولا هـو فـي جـحـور وجـواخير
محفوظ عـنـد الـلـي خــذوا مـنــه قـنـطـار=بـصــدورنــا مـع رقـــم خــزنـــه وتـشــفــيـر
وديـوانـكـم عـــدى وراء خــط الانـبــــار=ولـعـــودتـــه مـاشـــال فـــيــــزه وتــاشــير
وتـحـيـــتـــي لــديـــار حـــاتـــم هــل الـكــار=يادار مـن تـفــرح بـشـــوف الـمـسـايـير
يــادارنـــــا طـيــــبــــك ظــهـــر دون رادار=هــــداج تـيــــمــــاء ماتـجــــيـــبــــه قـــواطـــير
عـنــد الـقـنــص عـنــدك بـنــادق ومنظـار=وعـنــد الـفــزايــع فــزعـتــك تـقـل تدمير
الـلــي شـهــامــتــهـــم غـــدت تــقـــل تــيــــار=تـوضـــي مـجــالـســنـــا بـلــيـــا فـــواتـــيــر
والـلــي يـبــي ذكــر الـتــواريــخ مـا حـار=لاشــك ماعـنـــدي بــلاغــــه وتــعــبــــيـــر[/poem]

صح لسانك اخوي فواز

دائما ممتعنا بماهو جزل

حائل تستحق الكثير والكثير منا في الثنا عليها

واليوم انت كفيت وفيت الله يطول عمرك

كل الشكر لك اخي والله لايحرمنا نزف هاذا القلم الحر

اقتباس: المشاركة الأصلية كتبت بواسطة قناص الشمال    صح لسانك اخوي فواز دائما ممتعنا بماهو جزل حائل تستحق الكثير والكثير منا في الثنا عليها واليوم انت كفيت وفيت الله يطول عمرك كل الشكر لك اخي والله لايحرمنا نزف هاذا القلم الحر

هلا وغلا بقناص الشمال000

ومشكور لاهنت يالعزوه

هلا هلا بالنور اللي غطى ثنايا المكان

هلا والله بابوفهد فواز الغسلان

الشاعر الجزل

والراوي الفذ

تعود بباذخه تحكي مشاعر الوفاء

لاتخلو من أبجديات للتاريخ تبقى موسوعه

اهلا بك يابوفهد وبشعرك وبروحك الجميله

وصح لسانك ملايين ولايوفون

عشت عشت اابو فهد
عاداتك الابداع
الله لايحرمنا منك

صح فكرك ونبضك الشاعر الراوي
فواز

كفيت ووفيت

لله درك فواز الغسلان على هالقصيده
الرائعه
وفقك الله اين ماكنت

يوم الفخر والطيب في شبـة النـار
ومجالس تجمـع وجيـهٍ مسافيـر
تلقى سوالفهـم بماضيـن الاخبـار
وعلم السنين المسمـلات المدابيـر
وتكثر وناستهم على ذكـر الاخيـار
اللـي تسيـر بحاميـات الهواجيـر
يغلون راع الطيب في كـل الاقطـار
عنـد الـدلال المتعبـات المباهيـر
قبل يصير المـال للطيـب معيـار
ويحـوز طيبـه جامعيـن الدنانيـر
لو هو خسيس من غريبين الاطـوار
يقعد بوسط الناس ينفخ كما الزيـر

والله وعشت
وصح لسانك مليون

حي الله عميد الشعراء

الراوي ابن غسلان

صح لسانك وذاتك

على القصيدة الباذخة الرائعه

تستاهل حايل عاصمة شمر الازليه

تحياتنااالاخويه

فواز الغسلان

صح لسانك والله يعطيك الف عافيه ع القصيدهـ الرائعه

دمت في حفظ الرحمن

صح الله لسانك
لاتعليق مدري منين اجي هالقصيده
كله جزاله

هلا بك شاعرنا
ابو فهد
لاهنت
صح لسانك .. قصيدة رائعة وحضورك مشرف دائما..
صح لسانك قصيده جزله مثل شاعرها
لاهنت يابعدي

فواز الغسلان

صح لسانكـ ولا هان كلكـ

مبدع

دام لنا ابداعكـ

تحيتي الجوري

[align=center]الله الله الله

الشااااااااعر والمبدع
فواز الغسلان قصيده رائعه
مااجزلها وما اروع معانيها
قصيده عن ديوان جزل عام
الشاعر الرائع
فواز
صح عقلك ودام ابداعك
ودمت بصحه وسلامه
كتبت فاامتعت
لله درك

تحياتي

(( الثريا ))[/align]

[align=center]
ابو فهد
مازلنا نترقب جديدك ونشتاق لكل حروفك
صح لسانك الغالى الى مالا نهايه
وعلا شانك
ولاهنت


تقديرى


[/align]