يعض شفاااااااه طربااااااني

[poem=font=",6,black,normal,normal" bkcolor="transparent" bkimage="" border="none,4," type=2 line=0 align=center use=ex num="0,black""]
سمعت الزود ياعمري مصيره دوم للنقصان=ولكن ليه ماينقص غلاك بوسط شرياني
غلاك اللي سكن روحي الا ياسيد الخلان=يزود ولا نقص فيني رغم هجرك وهجراني
سنين الحب وايامه وهجر الخل والحرمان=بقت ذكرى تذكرني مساري نبض وجداني
ذكرت اسمي على لسانه يناديني وانا ولهان=يناديني والبي له يعض شفاه طرباني
ذكرت احلى العتب منه وبحت صوته الذبلان=ذكرت البرد والرجفه وشاله يومه ادفاني
ذكرت الغيره العميا اسميها عبث وجنان=ترد بضحكة <ن> صفراء انا عاجبني جناني
ذكرت الحرف بكتابي وانا مع طيفها سهران=البّسها القصيد عقود من لؤلو ومرجاني
ذكرت اخر مواعيده وانا انطر جيته شفقان=ذكرت الورده الحمرا وفرحي يومه اهداني
ذكرت الليله الغبرا ودمع ٍ حــرٌق الاوجان=ذكرت الشوق بعيون <ن> تناظرني وتنخاني
ذكرت فراقنا موت < ن > غدى لدروبنا عنوان=غدى لون السماء اسود وشق القاع بركاني
ذكرت اني غديت اجبن رجل في لحظة الحرمان=وانا اللي ماعرفت الخوف واروّض كل شيطاني
ذكرت اني جبنت اصلاً على شانك ياغصن البان=سبب خوفي عليك انتي رضيت العيش وحداني
ذكرت انه عوايدنا علينا حكمها سلطان=تدوس بحكمها قلب <ن> نبض بالحب واشقاني
ذكرت وجتني الذكرى وانا اطوي صفحة النسيان=سنين فراقنا كثره كثر تذكار قيفاني
وبعد اذن الهوا والحب ابسقي وردة البستان=خلصت من الهوا كله عقب هجران خلاني
تعالي نكتب الفرحه تعالي بس ياوجدان=اذا ماهو على شانك تعالي بس من شاني
تعالي واحضنيني حب وابعطيك الغلا تحنان= رهنت العمر لعيونك ولاني شايف < ن> ثاني [/poem]


بقلمي

نواف بندر

" " "
" " "

سلمت يمناااااااااك,,,

ابدعت قصيدة رااااااااائعة.

اقتباس: المشاركة الأصلية كتبت بواسطة خوخة حائل    سلمت يمناااااااااك,,, ابدعت قصيدة رااااااااائعة.

يسلم راسك ياطيبه

لاعدمناك اليوم ودوم

كل الود

حيالله اخوي نواف البندر

قصيده عذبه رسمة كل مافي الحب من نقاء وعذوبه..


تمنياتنا الصادقه لك بدوام التوفيق...

وفقك الله على طريق الخير والسعاده دوماً وابداً ...~

اقتباس: المشاركة الأصلية كتبت بواسطة قناص الشمال    حيالله اخوي نواف البندر قصيده عذبه رسمة كل مافي الحب من نقاء وعذوبه.. تمنياتنا الصادقه لك بدوام التوفيق... وفقك الله على طريق الخير والسعاده دوماً وابداً ...~

العذوبه والجمال والتميز بحضورك استاذي

وانا اتمنى لك مثل ماتتمنى لي واكثر

دمت بخير

محبتي

نواف بندر


صح لسانك مدد بلا عدد

عذوبه لاحدود لها

نهج شعري لامثيل له

سبك فيه امتاع

وأنت بالعاده ممتع

في كل مره تحضر تمتع

فلا تطيل علينا بمثل هالعذوبه

اقتباس: المشاركة الأصلية كتبت بواسطة احس احساس    نواف بندر صح لسانك مدد بلا عدد عذوبه لاحدود لها نهج شعري لامثيل له سبك فيه امتاع وأنت بالعاده ممتع في كل مره تحضر تمتع فلا تطيل علينا بمثل هالعذوبه

صح بدنك

وطال عمرك

ودمت ذخر

لك مني كل محبه وتقدير

لاعدمناك

ح ـي الله نواف بدر

صح لسانك على القصيدة الرائعه

دمت ودام ابداعك اخي الكريم

اقتباس: المشاركة الأصلية كتبت بواسطة الشمريةالمجهوله    ح ـي الله نواف بدر صح لسانك على القصيدة الرائعه دمت ودام ابداعك اخي الكريم

دام وجودك وانتي باحسن حال

كل الشكر ومن القلب

لاعدمناك ياطيبه

نواف بندر

نثرت أريج حرفك في المتصفح أبدعت

صح لسانك ودام نبض قلمك

جود

اقتباس: المشاركة الأصلية كتبت بواسطة جــــود    نواف بندر نثرت أريج حرفك في المتصفح أبدعت صح لسانك ودام نبض قلمك جود

وانتي اتيتي بالمسك والعنبر

فاهلا وسهلا بمن هي اسم على مسمى

لاعدمناك ياجود

كل الود

شاعر مميز رائع مبدع ماشالله عليك نواف
صح لسانك على القصيدة
واعتلا شانك والله

اقتباس: المشاركة الأصلية كتبت بواسطة سيف الطنايا    شاعر مميز رائع مبدع ماشالله عليك نواف صح لسانك على القصيدة واعتلا شانك والله

الابداع والتميز انت اهله

اهلا بك

لاعدمناك كل الود

تعالي نكتـب الفرحـه تعالـي بـس ياوجـدان
اذا ماهو على شانك تعالـي بـس مـن شانـي
تعالي واحضنيني حب وابعطيك الغـلا تحنـان
رهنت العمر لعيونك ولاني شايف < ن> ثانـي

سلم فكرك ونبضك نواف البندر
سجل اعجابي ومتابعتي

اقتباس: المشاركة الأصلية كتبت بواسطة اخو شلوى    تعالي نكتـب الفرحـه تعالـي بـس ياوجـدان اذا ماهو على شانك تعالـي بـس مـن شانـي تعالي واحضنيني حب وابعطيك الغـلا تحنـان رهنت العمر لعيونك ولاني شايف < ن> ثانـي سلم فكرك ونبضك نواف البندر سجل اعجابي ومتابعتي

يسلم راسك يابعدي

الاعجاب وسام على صدري

والمتابعه تاج على راسي

لاعدمناك