الفي الاماكن ريح عطرك واشمه=فيها وبيها منك فيها لك حضور
واتلمس اشياءك ويزداد غمه=قلبن هواك وزايده إنت بسرور
الشوق فاض ورغبتي له تلمه=رغبت طلال ولبها مانت معذور
الشوق يمك التفت بس يمه=تعال واعطي منك له دافي اشعور
اطلبك راعه ماطلبك له تضمه=الا وضمه حيل واطلبك بالجور
تدري بإنك ماتغيب وتهمه=دايم لباله دايماً تلفي تزور
حس بغلا مجنون يسري بدمه=وبادر غلا قلبي بادره بحضور
والا وداعن يمرضه قل يسمه=ويقتل غلاك وينذبل ورد وزهور
مشهد وصور بالمفارق مطمه=خل المشاهد بالقى واتحف الدور
والشوق فيك ادفيه والزهر نمه=لاوصيك في قلبي غلا منك لايبور
وان كان عازت نفسك وطاب ضمه=عزاي في نفسي معك مطلع النور
طلالـ الشلاقي