نفسي وليلها..جديدي لكم

بسم الله الرحمن الرحيم

السلام عليكم ورحمة الله

هنا جديدي واتمنى ان يروق لكم وان ينال ذائقتكم العذبه وكل عام وانتم بخير


مدخلـ

كل الألم
لا جيت ليلك تستريح
ويقوم همك يسألك
ليه تستبيح
النوم ..؟
وانته لي وطن
وانا ملك..!!
فجاوبت نفسي افااا
وردت اعيوني كفى
فأنتي..نفسه والوفا
فأنتي..نفسه والوفا
وأنت..يانفسي الوفا

[poem=font="arial,6,black,bold,normal" bkcolor="transparent" bkimage="" border="none,4," type=2 line=0 align=center use=ex num="0,black""] حال خلي تغير./صار مرٌّ مرير=عقب ما كان بلسم والوفا صاحبه[/poem]

خيالي
نزّل الدمعه
على شاطيك
تشكيلك
تبيك تحن
للماضي
لمنديلك
تبي ذكراك
تغسلها
مثال الموج
و الشاطئ
تبيك تموت له لهفه
ولا
تنساهـ
ثم...ثم
ثم..
ثم اختفى
وردت اعيوني كفى
فأنت..يانفسي الوفا
يأنت..يانفسي الوفا

[poem=font="arial,6,black,bold,normal" bkcolor="transparent" bkimage="" border="none,4," type=2 line=0 align=center use=ex num="0,black""] ليلته من المها../ريحها زمهرير=والضحى يا شقاته شمسها ضاربه [/poem]

ليلة لقاك
ابخاطري..!!
كنت البسك
بسمة وروح
وكنت اسألك
ممكن نروح
هنا هنا
في داخلي
عند الألم
وان صاح
آآآآهـ
لا تسأله
فأنته دواهـ
وانت الشفى
وردت اعيوني كفى
ياأنت..يا نفسي الوفا
ياأنت..يا نفسي الوفا


[poem=font="arial,6,black,bold,normal" bkcolor="transparent" bkimage="" border="none,4," type=2 line=0 align=center use=ex num="0,black""] كنت معه الوفا طبعي لنسمة عبير=احرسه من عيون الناس لا ترعبه[/poem]


اسهرك
ياليل الشقا
وابكيك
ياعمرٍ مضى
مع الوفا
ومعي انا
ومعاك
يا كل المنى
ومع سناك وضحتك
وبسمتك وهمستك
كانت انا
وكنت لي
كل الحياة
لكن خلاص
ضاعت معك
بسمة شفاة
وضعت انا
وردت اعيوني كفى
فأنت..نفسي والوفا
فأنت..نفسي والوفا

[poem=font="arial,6,black,bold,normal" bkcolor="transparent" bkimage="" border="none,4," type=2 line=0 align=center use=ex num="0,black""] اتذكر لقانا من فرحنا نطير=نحترق والمشاعر ذايبه ذايبه[/poem]



نام نام
يا فؤادي
نام نام
ما انت ظالم
لا
ولا انت بيوم حالم
ذي حقيقه
عشتها
دقيقه بدقيقه
وانت وافي
وكل هالدنيا خوافي
وخبر النفس العزيزة
انها معنى الوفا
والخيانه
عندهم صارت غريزة
فأوقفي دمعك كفى
ايه يا نفسي العزيزة
فأنتي يانفسي الوفا
فأنتي يانفسي الوفا
فأنتي يانفسي الوفا

نفسي ..وليلها

[poem=font="arial,6,black,bold,normal" bkcolor="transparent" bkimage="" border="none,4," type=2 line=0 align=center use=ex num="0,black""] البارحه../والناس هاجع وشيلها=وكل مع روحه./ يسامر مخيلها
وانا مع نفسي../ ادندن بخلوتي=اواااااه يانفسي../وياقل حيلها
سألتها يا نفس../ وشفيك متعبة=قالت ظروف الدهر زادت بكيلها
قلت اشبلاه الدهر وانتي متيمه=في الدهر واهله والاماني يخيلها
قالت صفيت بطيبتي لأجل يسعدوا=والناس ما ترحم لمن هو صفي لها
اقدم المعروف في صحن من ذهب=والقاه بعد الطيب ينكر جميلها
وان قلت ليش الغدر يقلون حقنا=نبحث مصالحنا ونسعى لشيلها
وما همنا يانفس ترضي وتزعلي=حنا بزمان المصلحة وعزّ جيلها
اما المثاليه فضاعت وروحت=ماعاد منها./غير اسم ن يشيلها
حتى الذي كان اختياري ومنوتي=كنت احسبه جنبي اذا هال هيلها
روّح لقى قلبٍ يجاريه بالغلط=واسقاه من كاس الخيانه حثيلها
وعود يقول استسمحك يوم خنت بك=قلت العفو نزوتك../ ما انثني لها
روح تلاقي من يشابهك بالخنا=يمكن مع غيري تلاقي مثيلها
ورغم هذا والله يالقلب ما نسى=يذكره لا ناحت حمامه هديلها
واقول ياربي تحفظه وتحرسه=وتكون روحه بالسعادة حليلها
واليوم ياحمد تسأل النفس وشبها=هذا وانا نفسك وانته خليلها
قلت الصراحة كنت بقول انني=اعاني لوحدي/همومي وسيلها
لكن لقيتك/ياشموخي وعزتي=معي معي في كل وقفه وميلها
انا اوعدك يا نفس ابقى معك وفي=مادام نبضي في عروقي مسيلها
اما همومك../يابعدهم وتاجهم=على زنودي حملها برتكي لها
بس انصحك يا نفس لا ضاق خاطرك=تلقي في الاستغفار جالي عويلها
وقت السحر ينزل كريم مابخل=الى السماء الدنيا اذا جن ليلها
ويقول ياعبدي بجاهي وعزتي=اطلب تجد دعوتك ما انته ذليلها
ويريح الخاطر./ويزيل كربتك=سبحانه الله./وحده اللي يزيلها
يا نفس طوبي واستلذي بطاعته=وتلقين بالقرآن اصدق دليلها
يارب عفوك واستميحك بزلتي=واستغفرك يارب..نفسي وليلها
هنا عنا ليله شرحته بصفحتي=وارجوا السموحه كان ما اوفيت كيلها
هذا وصلاة الله على خير من خلق=اعداد ما هلّ السحايب مخيلها[/poem]

مخرجــ

لاجديد..
لا ضوى ليلي ارتميله
التحف همي واعيد
والسوالف..
هيه هيه كل ليله
معك يابوح القصيد

شعر

احمد المنتشري
بوح القصيد
30 / 9 / 2009 م