صـوت أم أفنان وصدى

السلام عليكم ورحمة الله وبركاته

مساء .. / صباح .. الخير للجميع ..

حينما تقف عقارب الزمن لبرهه لتأخذ عزيز ولتفجع عزيز ..

تحير الجمل . وتتلاشى الأحرف .

لتتمتم بإنا لله وإنا إليه راجعون ..

تقول أم أفنان :



[poem=font=",5,black,bold,normal" bkcolor="transparent" bkimage="" border="none,4," type=2 line=0 align=center use=ex num="0,black""]

يالصيت جيبي دمع عينك و هليه=هلي دموعك دم و ارهي صبيبه

على الذي بالناس ما أحدن يساويه=على الحبيب اللي يسلي حبيبه

ياعاذلين القلب كافيه ما فيه=أمشي كما السرحان و أقنب قنيبه

واقلبي اللي زايد الهم طاويه=لا والله ألا فر بالراس شيبه

مابي بلى يوم إن زولي يباريه=و أثر المنايا من حبيبي قريبه

يوم إن زوله عند عيني و أداريه=و أنا حياتي له معاني عجيبه

أنفض تراب البر برا مخابيه=و أحط دهن العود في وسط جيبه

أمشط شعر راسه و أغسل مواطيه=و أكوي له البدله و أشمر و أجيبه

من دون ما يآمر نخدمه و نغليه=شيء من الله حط قلبي نصيبه

و إليا زعل حاولت بالشعر أراضيه=عقدة حجاحه عندي أعظم مصيبه

و إليا ضحك طلبت ربي يخليه=ظل لنا دون البشر نهتني به

أقفى و خلاني و لا لي مشاريه=الموت حق و كل حي يصيبه

رميت شالن ريحة المسك تزهيه=و بدلتها بالسدر تملأ الذويبه

من عقب ماشوقه يسوقه و يدنيه=و من الحفر دقات قلبه تجيبه

يومه يحاكيني بذوقن و أحاكيه=و صوته شفاء همي و صوتي طبيبه

ياقال "حبي" قلت "تآمر" و "لبيه"=و ياقال"أبوي"أقول "للحل" طيبه

كلمة "هلا" رده ليا قمت أناديه=أنشهد إن الحال عقبه صعيبه

غشام أبيه و غير غشام ما أبيه=له فرجتن في وسط قلبي غريبه

حتى المجوسي عقب ما مات يبكيه=وشلون عيني ما تفيض سريبه

عزي لحال أمه ليا حل طاريه=تشوف زوله عند حروة قليبه

عزي لقلبه يا تفطن لماضيه=ينقز على متنه و يرضع حليبه

و عزي لفنوني عقب شرة يديه=تقول بابا مالقت من يجيبه

و عزي لقلبي يا تذكر حسانيه=أقنب كما تقنب من الجرح ذيبه

و عزي لقلبن بيح الموت خافيه=و ما جابت الورقا يون و يجيبه

طيفه يكلمني بنومي و أناجيه=يزورني طيفه و لا أحدن دري به

و من لامني ياجعل ربه يجافيه=الله وكيل الخلق و الله حسيبه

طبع الزمن قاسي و لا دام حاليه=و من يامن الدنيا لزوم تغديبه

من يامن الدنيا تخونه و تغديه=تفرح ليا سمعت بكاه و نحيبه

كم عاقلن وقته من الغبن يسقيه=و كم جاهلن يضحك و لا صك جيبه

ياهيه ياللي حلو الأيام تلهيه=لا تأمن الدنيا و يغريك طيبه

دنيا رديه سالي البال تشويه=ما هي ببنتن للطنايا عريبه

و لا هي ببنت للرشيد و بنيخه=و لا أظن أبوها من سلايل عتيبه

دنيا دنيه سلم الأنذال تخفيه=وجهه كما وجه النور من صليبه

الله مفوضها و رايه تمشيه=لا جت بطيب و لاتجي بالغصيبه

سبعة سنينن صافين لي مصافيه=مار الليالي ما تعلم بغيبه

ما كنت أحسب الموت هالسرع ناويه=أنشهد إن جروح قلبي عطيبه

و يالله تسامحني على فجعتي فيه=و من لامني لابد ياخذ نصيبه

أذكر صدى صوته و لاني بناسيه=ضاق الفضاء و أفراج ربي قريبه

يا حر قلبي من مجاهد بلاويه=غصبن على روحي نصيبه رضيبه

و يالله عسى في جنة الخلد تحييه=و تجبر عزى قلبي و تطفي لهيبه

[/poem]



إلى هنا ليأتيني النص ويزعزع سكون الذات يا أم أفنان .

فقلت لها .. رغم علمي بأنني لن أصل لتلك العاطفه .. أيضاً لم أسيطر على العاطفه

فا :



[poem=font=",5,blue,bold,normal" bkcolor="transparent" bkimage="" border="none,4," type=2 line=0 align=center use=ex num="0,black""]

من وين أببدى والمبادي مباديه=والنجم غاب وغاب ضايح رقيبه

حتى القوافي من صدى الصيت ترثيه=والليل واسلوم العرب والنجيبه

والخيل , والبيدى .. وجمعة غواليه=والطيب , والخوه , وحكي نحكيبه

أجا بكاه وليت سلمى تواسيه=لاشك سلمى من وفاته صويبه

وضلع الرعيله ينتهض من طواريه=وسنجار من عقبه حواله كأيبه

والبر والرحله وموحش ضواريه=والطير , ورجالٍ , عقوله لبيبه

أهب ياوقت الفجايع واهبيه=واهب ياخطٍ يخون بصحيبه

من غيبته ماعاد بالوقت تشريه=من غيبته بيض النوايا مهيبه

من غيبته موجي تعدى مراسيه=كن المواني تنتفض من نحيبه

وكن الحفر صاحت وضمت محانيه=وكن الشوارع عقب موته مريبه

حتى الخيال اللي تعدى محاريه=يرزم عليه ولا تبين صبيبه

أبكيه أنا وأنتي وربعٍ تماشيه=وأفنان والمذن وجمع الكتيبه

والود , والبدله , وأمٍ تحاتيه=وأخوان غشام , ومجوسي دريبه

وأخوال غشام وعمامه واهاليه=حقٍ وواجب من قريب لقريبه

من لامنا يالصيت يخسر عوافيه=عسى الولي يخزيه يوم الطليبه

أبكي عليه وكل ماحل طاريه=قلبي طواه اليأس طوي القليبه

ويالصيت أبكشف عن خليلك خوافيه=أبكتب النبذه وأدون واجيبه

سبحان ربٍ معطي الطيب معطيه=كآمل وللمولى كمالٍ يطيبه

ماعمر ضاق الصدر من هرجته ليه؟=لأنه على غير الكرم مايجيبه

أخلاق من خلق الحكيمين تحليه=أيضا ولاله بالمقفين غيبه

هذا وأنا أدري بالنبذ مانوفيه=أدري وعيني فوق خدي سريبه

لو ينحرب نزاع الارواح ناتيه=ناتيه بجموعٍ تطيش بحريبه

نموت من دونه والاعمار تفديه=ونشبها يالصيت شب العسيبه

عنّه فلا ننكف والاقدار تهويه=أما نروح أفداه والا نجيبه

لاشك مافاد القلم يوم نسميه=والنوح وادموع الفنون وسكيبه

هذا القدر والله على الخلق مبديه=حتى رسول الله توفى بطيبه

الموت حق وحقنا مانخليه=فرضٍ علينا لو بغينا نسيبه

يالصيت عندي وعندك بواديه=عصبٍ علينا لو بدينا نعيبه

حكم الذي كل المخاليق ترجيه=الواحد اللي غيب الإنسان غيبه

عساه يرحم من خذا الموت غاليه=عساه يرحم من بكينا مغيبه

عسى الولي يغفر ويمحي خطاويه=يكتب له الجنّه بمسكه وطيبه

يالصيت دامي حي فالضيم خليه=الروح ترخص والمعاني وجيبه

بالمال والنفس وحلا الجاه نهديه=سلملنا يالصيت ماهي غريبه

مابين جفن العين والعين شوفيه=مكانكن يالصيت هيبه وهيبه

هذا وأنا أدري مانسد بمكانيه=كيف القمر ياغاب يسطع رقيبه

دنيا تموج وغافل الناس تلفيه=كم واحدٍ حطت عليه بركيبه

إن قبلت تسعد وترخي بإياديه=وإن كشرت ياكنها فاه ذيبه

هذا وصلوا عد فجعت بلاويه=وأعداد ما شام الخيال لشعيبه

وأعداد ماالمذنب حلا الذنب يغريه=وأعداد مالمحسن حسانيه ريبه

على الذي كل المخاليق تبكيه=عليه صلوا يوم حل ابكتيبه



[/poem]



فأدعوا .. لأخي عشام بالرحمه والمغفره ..

أول شي ياهلا والله بهلال الحسيني

كل عام وإأنت بخير ياغالي

ومنور بعد حي بعد غياب يامميز

والله يرحم عشام ويغفر له ويسكنه فسيح جناته
والله يلهمكم الصبر والسلوان

وصح لسانك على سمو الحروف

ونقاء السطور

نترقبك كثيرا ً ياغالي

اقتباس: المشاركة الأصلية كتبت بواسطة احس احساس    أول شي ياهلا والله بهلال الحسيني كل عام وإأنت بخير ياغالي ومنور بعد حي بعد غياب يامميز والله يرحم عشام ويغفر له ويسكنه فسيح جناته والله يلهمكم الصبر والسلوان وصح لسانك على سمو الحروف ونقاء السطور نترقبك كثيرا ً ياغالي

هلابك أخوي .. والله يحييك
وأنت بخير وصحه وعافيه أن شاء الله ..
والنور نورك ونور الجميع ولاهنت على هالترحيب يابعد حيي
وعسى الله يرحم موتى المسلمين .
لاهنت أخوي وصح بدنك وطاب مرورك الزاهي
إحترامي وجليل تقديري أيها القدير
ودمت بود

رحمه الله وغفر له

صح لسانها ولسانك
رديت وكفيت
ياالطيب

اقتباس: المشاركة الأصلية كتبت بواسطة مخاوي طعونه    رحمه الله وغفر له صح لسانها ولسانك رديت وكفيت ياالطيب

آمين يارب
صح بدنك أخوي وبارك الله فيك
لاهنت على المرور عزيزي
ولك جليل الود والتقدير

رحمة الله
صح لسانها وربنا يصبرهااا
وصح لسانك ويطول عمرك اخوي

الله يرحمه ./. ويسكنه الجنه ./.

كلمــات في قمة الحزنـ../.

اجبرتني .. كلمااتك . علىا الوقوف هنــا.. طويلا .. لروعتهااا./.

./..

لاتحرمنــا.. جديدك .. في انتظارك ./. يــ الغلا ./.

مررتـ. من هنــا./. بهدوء


تكفيني الذكرىا ./.

[align=center]
الله يرحمه
شرفتنا ياهلال
وصح لسانك
والله يرحم غشام ويسكنه فسيح جناته
[/align]

اسكنه الجنان صح لسانها ولسانك وردك
اقف لك احتراما لقلمك
الذي نشاهد من خلاله
كل الابداع


راعي النفود

الغالى
رسمتها لنا لوحه شعريه وجعلتنا نتوه
فى اعماقها وتنمعن جمال الحرف والابداع
ببقى على ضفة الابداع واستمتع بين سطور
هذه الفاتنه وملـيون ولايكفوون صح لسانك
وجاد بناك على هذه الباسقه
تقديرى

اللـهـ يرحمــهـ ويسكنــهـ جنـأإن الفــردووس ..
صــح اللـهـ لســـأإنــكـ قصيــدهـ رأإئــعـهـ جــدأإ ..
سلــم فكـــرركـ ,,
كـل الشكــــرر شـأإعرنـأإ ..

قصيده معبره بكلمات تنزف حزنآ ودمعآ

وصدى يبعث الألم أكثر فأكثر ليكونا معآ لوحة تمتزج فيها ألوان الأسى وأحتمال الفاجعه وفوقها الأيمان والتسليم بالقضاء والقدر

لن أقول أستمتعت بتلك الأبيات بقدر ماذرفت دموعآ على احساس خالجني بأنني انا من صاغ تلك الكلمات ....

أقسى الألم عندما يموت من لاتتذكر معه الا كل ذكرى حلوه وكل كلمة وموقف يهز كيانك لتشتاق اليه وكان بالنسبة لك هو الحياة فكيف تحيا بلا حياة ,,


انا لله وانا اليه راجعون , رحمه الله رحمة واسعه

من عقب ماشوقه يسوقه و يدنيـه
و من الحفـر دقـات قلبـه تجيبـه

اشكرك يالغلا / وصح لسانك