نسيتي يا ملاك

بسم الله الرحمن الرحيم


هنا اول محاولاتي العاطفية


بين ايديكم اعزائي





[poem=font="af_najed,6,skyblue,normal,normal" bkcolor="black" bkimage="" border="none,4," type=1 line=0 align=center use=ex num="0,black""]



انتي نسيتي يوم نلعب وسط ذيك المزرعة = ليت السنين تعود وترجع شوفتي لك يا ملاك

ما تسمعين الصوت كنه صوتك اللي اسمعه = اسمع صدا صوتك يناديني صباحك يا مساك

تتذكريني يا ترى او خاطرك في مهجعه = اذكر وعدتيني تجيني وانتظر لحظة لقاك

قلتي بجي يوم الخميس اللي يجي يا موجعه = من طلعة الشمس انتظر ساعة لفاك

طلوا علينا شمسهم متغطية في برقعه = قالوا خلاص انتوا كبرتوا ما يجوز انه تراك

وش قلت وما قلت المهم ظلت عيوني ماقعه = وش بيدي افعل يا ملاك انتي انا مالي سواك

انثر بقايا ذكرياتي الماضية واستجمعه = الخاتم المكسور والطوق اللذي كان يعلاك

حتى الوفا خان العهد لين الوعد خانه معه = وانا وحيد خانني حظي وافكر في حلاك

يا زينها لا شفتها سبحانه اللي ابدعه = قلي قمر قلي بدر الا مصاريع الهلاك

غمازتيها لـ ضحكت دور شتاتي واجمعه = والمبسم اللي يفتقد للعيب علاّ مستواك

قولي وشاللي مضايقك يا روح روحي وادفعه = وش لي بهالدنيا سوا امي وانا وانتي ورضاك

الله حبه اول وحده وغيره يتبعه = ثم الرسول المصطفي اهلي وانا وروحي فداك

ثم الصحابة فالاهل وانتي وانا والمزرعة = اللي بها ورده غرستيها غلاها من غلاك

وآخر كلامي دامنا انتي وانا بالجامعة = باهدي نجاحي مع نجاحك للنخل هاللي بكاك

فاقد حنانك يا عذوبة نابعة = اتصدقين ان النخل يبكي يبي قربك دفاك

بجلس هناك اذكر وجودك وافرحه واسترجعه = يمكن اسلي خاطري او يمكن القاكي هناك




[/poem]





نايف يوسف الشمري

الثلاثاء

7 / 2 / 1431 هـ

21 فبراير

الله الله وش ناوي تسوي بنا ؟

نايف عزالله تبي تذبحنا بهالعذوبه

ارويتني شعر عذب

لايحق لي بعد هذه الحروف أنا اقرأ أي حرف


فيك مسك الختام يامميز

صح لسانك وسلمت

قصيده رائعه من شاعر جزل

لاعدمناك يابعدي

صح لسانك وعلا شانك
على هالذوووق والابداع
لاهنت ...
كل التقدير لشخصك الكريم..

صح لسانك اخوي الشاعر نايف الشمري
قصيده تلامس المشاعر والاحاسيس بعذوبه
اشكرك على هذه الفاتنه
وجديدك دوما منتضر

اقتباس: المشاركة الأصلية كتبت بواسطة احس احساس    الله الله وش ناوي تسوي بنا ؟ نايف عزالله تبي تذبحنا بهالعذوبه ارويتني شعر عذب لايحق لي بعد هذه الحروف أنا اقرأ أي حرف فيك مسك الختام يامميز

اسعدني تعليقك وشرفني يالغالي

شكرا استاذي

اقتباس: المشاركة الأصلية كتبت بواسطة كبريــاء شـــمر    صح لسانك وسلمت قصيده رائعه من شاعر جزل لاعدمناك يابعدي

صح بدنك وسلمك الله

اقتباس: المشاركة الأصلية كتبت بواسطة انفاس الرحيل    صح لسانك وعلا شانك على هالذوووق والابداع لاهنت ... كل التقدير لشخصك الكريم..

صح بدنك طيف الرحيل

والتقدير لك ايضا

اقتباس: المشاركة الأصلية كتبت بواسطة محمداديهم    صح لسانك اخوي الشاعر نايف الشمري قصيده تلامس المشاعر والاحاسيس بعذوبه اشكرك على هذه الفاتنه وجديدك دوما منتضر

اطراء يجعلني افتخر

ومرورك واطلاعك عليها يكفي

نايف الشمري

صح لساااااااااانك

إذا هاذي أول محاولة وش ناوي عليهـ بمحاولاتك الجاية

بإنتظار محاولة لك بعد

ومزيدآ من الأبداع

نايف الشمري

صح لسآنك .. نزف رآئع

سلمت ودمت

جود

نايف الشمري


قصيده في قمة الروعه ..والاحساس والجمال ..

صح لسـآنك مدد بلا عدد ..

وصح فكرك ونبضك ,,

واصل عطائك وتميزك ,



ولاتحرمنا جديدك الرااائع ...


تحيااتي واحترامي ..

اقتباس: المشاركة الأصلية كتبت بواسطة أحمد الشمروخي    نايف الشمري صح لساااااااااانك إذا هاذي أول محاولة وش ناوي عليهـ بمحاولاتك الجاية بإنتظار محاولة لك بعد ومزيدآ من الأبداع

حياك الله احمد

لا انا قصدي اول المحاولات العاطفية

والا عندي قصائد ثانية اتشرف بمرورك عليها واطلاعك لكنها ليست عاطفية

اقتباس: المشاركة الأصلية كتبت بواسطة جــــود    نايف الشمري صح لسآنك .. نزف رآئع سلمت ودمت جود

صح بدنك يا

جود

اقتباس: المشاركة الأصلية كتبت بواسطة على النيه    نايف الشمري قصيده في قمة الروعه ..والاحساس والجمال .. صح لسـآنك مدد بلا عدد .. وصح فكرك ونبضك ,, واصل عطائك وتميزك , ولاتحرمنا جديدك الرااائع ... تحيااتي واحترامي ..

شكرا جزيلا