عقارب!!

[frame="13 98"]
[poem=font=",6,white,bold,italic" bkcolor="darkblue" bkimage="" border="double,5,orange" type=1 line=0 align=center use=ex num="0,black""]
يومين وانا امشي على غير يمه=يلعب بي الهاجوس والفكر ضارب
صحيح ماكل السوالف مهمه=لاشك يا كرام اللحا والشوارب
الطيب لهل الطيب..والمجد قمه=واشد ظلم..اكيد ظلم الاقارب
واللي يجيب الكارثه والمطمه=نقالة النمه..عراض الغوارب
مدحت طيَب..وازعلوا ناس خمه=حساد..مذهبهم من العام خارب
كيف؟ امدحه بالله.. وارجع واذمه=والرجل يعرف معدنه بالتجارب
غير المعزه..مقصدي رفع همه= قصيدتي ..مالي وراها مآرب
لكن ظلمني شخص ما معه ذمه=وانا عن اهل الظلم والكذب هارب
قبلي حكوا بالمصطفى سيد الأمه=سوالف الكذبان فيها تضارب
والداب ليَن..لكن الموت سمه=والفأر..خرب باليمن سد مآرب
عزاه ياللي هقوته ببن عمه= يفزع معه..لقاه ضده يحارب
وانا اشهد ان الكارثه والمطمه= اليا طلع بين الاقارب عقارب!!
[/poem]
[/frame]