نوب الكسر .. ما ينجبر ||

بسم الله الرحمن الرحيم

السلام عليكم ورحمة الله وبركاته


احبتي اليكم ابياتا متواضعة علها تحوز على قبس من نور ذائقتكم الفذة


فلسفة ربما تكون غامضة لكنها جلية فهي زحمة في فراغ وعنفوان للانصياع






[poem=font="al moharib blook othman 1,5,burlywood,bold,normal" bkcolor="black" bkimage="" border="none,4," type=1 line=0 align=center use=sp num="0,black""]
نمشي سوا .. من دون ما وحدن .. نوا = فجأه .. قوا قلبي يصد عن الهوا
مالك لوا .. عندي له اكثر من .. دوا = عتق الرقاب اول دوا .. ثم الكتاب
مثل السما .. تشوف السما ولا .. عما ؟ = حتى العما يدري .. ولا شاف السما !
حالة ظما .. رغم السراب .. اللي نما = قهر وعذاب .. وفلسفة ضعف انتساب !
حالة رضا .. عن ماضيً ظلمه .. مضى = نظرة قضا .. والحالة الاولى .. رضا !
لنه مضا .. جمرن .. مثل جمر الغضا = لين السحاب .. يطفي انهار اللهاب
ليلي بهيم .. وصبحي اقرب للبهيم = شخصن يهيم بنشوة الصوت الرخيم
رجلن كريم .. وحلمه السور العظيم = اضحى مضاب .. وغاشيا صفوه ضباب
قصة حياة انسان .. ذاق اقسى حياة = ماله نجاة .. اليوم .. من وين النجاة
تبدأ اللجاة ان حشرجت .. دون اللهاة = بعمر الشباب او هو غزا عودك شهاب
حتى البحر .. خايف .. من الظلمة سحر = لنه ( بحر ) موجه على الشط انتحر
موج(ن) نحر فرحة مجاديف البحر = وأكبر عقاب مسامحة اهل العقاب
المح .. ( شعاع الخير ) يبدأ بالوداع = وعقب الوداع الناس تبدا . بالضيـــاع
( زحمة فراغ ) .. ( وعنفوان الانصياع ) = دون النصاب .. ان هم اتوا .. او هم غياب
والمشكلة .. تدري وش اعظم مشكلة = البلبلة .. والا ادعاء المرجلة
قل ( مهزلة ) لو عدلوا اسمه هله = مثل الغراب ينظف ( أمشاط الزهاب )
في هالزمان .. الناس .. لو طال الزمان = تبقى ( مدان ) ولو تصنعت الحنان
لانك جبان .. تخاف من ظل الجبان = لان الخراب بدمك ودمك .. ســـراب
ليه الكبر .. وآخر مواطنك .. القبر ؟ = ليه الكبر .. وانته ولا قدرك .. شبر ؟
ليه الكبر .. نوب الكسر ( ما ينجبر ) = ترها سراب ان غررك زين الشراب
غرو(ن) ربا في رغد عيش(ن) بالصبا = ياما سبا .. ياما سرق .. ياما جبا
لكن هبا .. وان زادت ارباحه هبا = مثل السحاب اليا نشا ثم استغاب
شفت الطيـــور اللي ملت عذب النهور = دايم تدور ولارضها لازم تزور
بليا شعور .. تحن وتقطع له بحور = يبدأ الاياب ليا وقع ريشه وشــاب
حتى الشباب اقفى وانا توي .. شباب = تبي الجواب !! منين .. ما عندي جواب
مثل السراب بعيني اقفى ! ثم ذاب = ليه العذاب وليه ؟ ما عندي جواب !!
[/poem]



[align=left]

طرق النايف
لـ نايف يوسف الزميلي
24 / 6 / 1431 هـ
الاثنين
[/align]

حلوووة القصيدة ةسلم بوحك
وشو البحر وزن القصيدة

صح لسانك وصح كلك ..
عالقصيده آلآحلىآ من رآآئع’ـه ..~
نآآيف الششمـري ..
تسلم آيدينك وننتظر جديدك بششوق ..~

صح لسسسانك ملايين
الله يعطيك العافيه
ابيات رائعه جدآ
لاعدمناك يارب

تسلم اخوي نايف وتسلم لنا فلسفاتك الراقيه

صح لسانك حتى ترضى


وجديدك دوما منتضر

تحياتي وتقديري شاعرنا الفاضل

صح لسانك

اخوي

لاعدمتك

لله درك الغالى
مبدع ولاهو غريب عليك الابداع
صح لسانك ملايين
ولاهنت


تقديرى واحترامى

صح السانك على الرائعه

قصيده اكثر من رائعه

ولها معاني تفوق الجمال

قرائتها عدة مرات

سجل ذروة اعجابي فيها

واتمنالك دوما التوفيق

تقبل مروري

لك تحيتي

انتصر حرفك عبر اثير ارضي واغناهـــا

صح لسانك على هذه اللوحة الرائعة

رحلة لي ( الى هناااااك ) جمعتني مع الجمال

تشرفت بمصافحتك هناااا

دمت بخير

لك تقديريـ

الله عليييييييييييييك
قصيده رآئعه ومميزه
استمتعت بقرآءتهآ

صح قلبك وفكرك ولسآنك
ويسلم رآسك على هالفآتنه

لآ هنت

تسلم يدينك شاعرنا نايف الشمري على هذه الرائعه 0
وصح لسانك 0

اقتباس: المشاركة الأصلية كتبت بواسطة دندون القمر    حلوووة القصيدة ةسلم بوحك وشو البحر وزن القصيدة

هلا دندون القمر حياك ربي

القصيدة يا طويل العمر على طرق النايف

وهذي طريقة استحدثتها لنفسي وكتبت عليها تقريبا اربع قصائد حتى الآن

وهي على بحر الرجز او الحداء الثلاثي مع التلاعب ببعض القوافي الداخلية على نظم المربوع يعني ثلاث اشطر بقافية والاخير بقافية ممتدة الى نهاية القصيدة

اتمنى افدتك واذا تبي اي شي او ما فهمت انا حاضر

اقتباس: المشاركة الأصلية كتبت بواسطة яk๏̯ōήi    صح لسانك وصح كلك .. عالقصيده آلآحلىآ من رآآئع’ـه ..~ نآآيف الششمـري .. تسلم آيدينك وننتظر جديدك بششوق ..~

يسلم راسك

حياك ربي ركوون

شاعرنا \ نايف الشمري


قصيده رااائعه الجمال وجزله المعاني

ونص مبدع ..

سلمت اناملك ع هذه الراائعه

فائق التقدير والاحترام ...

اقتباس: المشاركة الأصلية كتبت بواسطة حنان التمياط    صح لسسسانك ملايين الله يعطيك العافيه ابيات رائعه جدآ لاعدمناك يارب

صح بدنك اكثر

والله يحييك