قصيدة ( صرخـــــــة ) للشيخ المرحوم شعلان الفيصل الجربا ورد الشمريه المجهوله

بالبدايه احب ان اوضح بأن هذه القصيده للأخ المرحوم ( الشيخ شعلان منيف الجربا )
وبعد اسبوع من اعلانها اقيمت امسيه في بيت المرحوم شعلان الجربا الكائن في
عمان وكان يحضرها مجموعه كبيره من شعراء الخليج وسوريا وعمان وارسل الشيخ
شعلان الجربا يطلب رد من الشاعرة الشمرية المجهوله على القصيده وكانت
في بدابة طريقها وبعد ان ارسلتها لهم ..
قام بألقائها بالأمسية الاستاذ الطراونه رئيس تحرير مجلة البادية الاردنية
وقام بنشر القصيدتين معاً في مجلة البادية الاردنية عام 10\ 1999 م




مقتطفات من قصيدة الشيخ المرحوم ( شعلان منيف الفيصل آلـ جربا )

:
:

صرخه ارددها وانـا وسـط عمـان=للـي سكـن يـانـاس بالرافديـنـا

وللي سكن بكويت ورياض وعمـان=وابوظـبـي ودبــي وام القويـنـا

صرخة شقا صرخة عنا صرخة احزان=واليـوم ياربعـي تـرانـا بليـنـا

وخلو خطاة اللاش منـزوع منهـان=وتـوحـدوا بـالـراي يالعارفيـنـا

رد الشاعرة الشمرية المجهوله

,
,

صرخه سمعناها من اطـراف عمـان=وصـل صـدى صـوتـه للرافديـنـا

صرخة اسد ضرغام اصحوا الوقت حان=فيهاعبـر وامـثـال بــه يعنيـنـا

عديت صحيح الهرج والغيـر غلطـان=خوانت(ن) دنيـاك بـحكمـه علينـا

وين انتوجه صـارت الكـل عـدوان=ولد الردي والهيـس لأامـره انحنيتـا

وصرنا نتذرى بناس ماعنـده وجـدان=ونصغي لـرخيص الهرج لـو يعنينـا

وشفنا مهانه وذل وعشنـا بـحقـران=وبعد عـلاة الشـان بالـذل رضينـا

وعلى بعضنـا نفتـح للحقـد بيبـان=ونعطي مجال اللي بـكلامـه يغزينـا

والكذب كثر وصاحب الحـق خسـران=والبايعـه ربحـان وحـنـا شريـنـا

ومن رافق الطيبيـن غانـم وكسبـان=لامـال شيـلـه بالقـفـا معدليـنـا

ومن عاشر الأنذال ع الـدوم منهـان=ونتبـع ردي الشـور لمـا غديـنـا

والينكـر المعـروف للملـح خــوان=تــراه ردي الـخـال يسامعـيـنـا

وشمر غدى حظه وفيها الوقـت خـان=ومـن بعدهـم الـدار تبكـي حزينـا

عفنا الوطن والأهل وضعنا يـشعـلان=في كل حـراوي الأرض حنـا دوينـا

ماينوجـد ياهيـه مثلـك بـالأوطـان=مـودعـه يــادار فيـهـا ربيـنـا

ماصار لنا عبـره مـن دور الأخـوان=درس(ن) شديد وصعب بلحظه نسينـا

حنا سقينا المر لـقـوم(ن) وعـدوان=وأحقادهـم هلحيـن تشهـد عليـنـا

وجرح بصميم الجوف ياشيـخ حيـان=ينزف على ماضـي محتـه السنينـا

ويشهد لنا التاريخ في ماضي(ن) كـان=حنا ليـوث الكـون وحكمـه بأدينـا

وتاريخنا جوهر مـن غالـي الأثمـان=وشمس(ن) على كل البـوادي سطينـا

وبالمعركه حنا صقـور(ن) وفرسـان=لامـن ركبنـا خيولـنـا وانتخيـنـا

ماهمنـا الجمـع مـن كـل الأركـان=ذيب(ن) على العـدوان لاهـد حدينـا

من مصقرة احـرار وتقـود شيهـان=حنـا علـى روس المعالـي رقيـنـا

وتاريخنا في نجـد يشهدلـه بـرزان=الله علـى وقـت(ن) مضابـه شزينـا

وترجع لنا الدنيـا مثـل دور فرحـان=مجد(ن) وعـز وجـاه بـذره حظينـا

تبشـروا ياربـع تـو الـوقـت زان=تـو النفـس والـروح ردت عليـنـا

شمر رجعلـه العـز بوجـود شعـلان=وربي علـى كـل المصاعـب يعينـا

وشمر حقوقه اليـوم فـي ذرك تبـان=وصيت(ن) غدى ياشيخ لابـد يجينـا

وعرفت انا بالهرج شيقصـد كحيـلان=ينصـح قليـل العـرف يالصايبيـنـا

ومن يتبعك ياشيـخ بالفعـل ربحـان=نسـل الشيـوخ اللـي نبيـه ويبينـا

ومشـرع(ن) البيـت بربـوع عمـان=الله يعـمـر دار علـيـه ارتكـيـنـا

مقلط بها الحيل لـبـدو(ن) وشويـان=شعلان ربيع اضعـوف تسلـم يمينـا

وبس اعذرن ياشيخ بالقيـل نقصـان=جديـدة(ن) بالشعـر وتـو ابتديـنـا

وصـلاة ربـي عـد وابـل الأمـزان=على النبي واعـداد ضعـون وهجينـا

وســــــــــلامتكم :

بقلم الشمريه المجهوله

آبيآت رآآآئعه ..
صح لسآآنــك .. يآلغلآلآ ..~ٍ]

صح لسانك ورحم الله الشيخ
موفق بإذن الله ... لك مني أجمل تحية .

الله يرحم شعلان الفيصل


وصح لسانك وولسانه


والله لايهينك على النقل الرائع


سلمتي وعافاك الله

رحم الله الشيخ شعلان الفيصل

وصح لسانه وصح لسانك

ابيات رااائعه وجزله

وسلمتِ لنقلها لنا ,,,

تنقل لقسم الشعر
ولى عوده باذن الله للرد

تسلم يمينك غاليتي وصح لسانك

صح لسآنك ولسآنه

عافاك البآرئ

ششاعرتنا الرائعه
جل تقديري لك
على هذه القصيدةوالرد المميز
سلمك الله

صصح لسسآآنك ..
لآهنتي .. يآلغلآ ..~ٍ]

صصح لسسآنك وكلك يالغاااليـه ..
رآآئعـه ~

روعه صح لسآنك ولسآنه


ويسلم والله قلبك

اقتباس: المشاركة الأصلية كتبت بواسطة غرور طفل    آبيآت رآآآئعه .. صح لسآآنــك .. يآلغلآلآ ..~ٍ]

الرائع مرورك العطر لاعدمناك

تحياتنااااااااالاخويه

مشآء الله عليك قصيدة رآئعة
ورآقت لي ،، صح لسآنك