البارحـه والـلـيـل مـسـدل آسـتـارهـ...

بسم الله الرحمن الرحيم

السلام عليكم ورحمة الله وبركاته



البارحه والليل مسدل استارهـ

..................والناس كلن بين نايم وسهران

انا سهرت من اللهب واستعارهـ

............تشعم بصدري وانحدر دمع الاعيان

لين انـبـلـج نـور الـصباح ونهارهـ

................صليت فرضي والعن كل شيطان

من ضيقة بين بوجهي سمارهـ

............ادفع على فرقاهـ من غالي الاثمان

ياوجد حالي وجد من شب نارهـ

...............بأرضً خلى ما طبه أنسً ولا جـآن

مايسمع الا مرعـبـات السعارهـ

...................لايرتعب ولا تزحزح كـحــيـــلآن

المشكله وشلون يـأصـل ديارهـ

.................قل الزهاب وفاقد الماء وضميان

حـآله شبيه لحالتي بانكسارهـ

........والضيق ساكن في ضلوعي له آزمان

أن قـلـت لــه ابـعد يزيد انتشارهـ

......في وسط صدري وان تشاينت له شآن

الـوقـت ضـدي زايـدً بـه قـشـارهـ

.............ماهنت انا والراس يبطي فلا هــآن

عـزيـز نـفـس ولا تـحـاقـر صغارهـ

.................وانا احمد الله وافي بكل الاحيان

أقــدر الطـيـب وأقـــدر مـسـارهـ

...................لانه من دروب المشاكيل رويان

لـو يـنـكـسـر بـصـيـر أنا له اجبارهـ

...................ولو انكسر يشيل حملي بليهان

امـا الـردي ما أنا بـضـمـن اخـتـيارهـ

.................يعجز ولاياصل مواصل اهل الشان

دعـيـت نـفـسـي دايـماً لـصــدارهـ

................تـقـدم عـلـى علـيـاً تخاطفه الايمان

ردت وقالت بالسعد لــك بـشـارهـ

.........................مني ولك يامعرب الجد عنوان

الطيب مثلك مايحسبه خسارهـ

..................لو جـاه من بعض المخاليق نكران

ادري واشوف الوقت فيه استدارهـ

...................يلعب على بحور القصائد والالحان

عـز الذليل وذل راع الجسارهـ

................الـلـي يـجـمـل بالـفـعـايـل اليا بـآن

وأن غـاب يكفي بالغياب اعتذارهـ

.................طـاريــه نــومـس كـل ربعن وخلان

ياصدري اللي ضاق واصدر قرارهـ

................سـانـدك فـكري بالـقـصـايد والاوزان

فكري واعرفه حين يشمل دمارهـ

...............يـدمـر دمـار الـلـي يـهـدد بـطـهـران

وش عاد لو عاش الفكر بالحضارهـ

................يـعـيـش بـالـلـذهـ ولاهـو بـطـربــان

لو كل سيف سـل جـاب انتصارهـ

................مـارجـعـت لاغـمـادهـا والـزمـن زان

يالله بأمرك شفت الارض بمدارهـ

..............تـدور واكـوانـن تـجـي بـعـدها اكــوان

نفسي ياربي رحمتك له وقارهـ

.................في ساعة واجسادنا وسط الاكفان

وسلامة قلوبكم