حايل

[poem=font="mudir mt,5,black,normal,normal" bkcolor="transparent" bkimage="" border="none,4," type=2 line=0 align=center use=ex num="0,black""]
هذي ثمان اسنين والشوق فضاح = شوق اليتيم اللي تعلا نياحه
أو يمكن تزود وتزاود بالأطياح = فرقاه لو هو بالدقايق طياحه
أطرب على طاريه وألحق بالأسياح = إن كان بالمسحوب ولا سياحه
حايل عسى غيم الشجن عنك ينزاح = واتجاوب بروقه رعود الملاحه
مهما تغنيت بغلاها بالافراح = عروستن تزهى عيون المساحه
أحب فيك اجبال عزّن ليا صاح = صوت العزاوي حي عالي صياحه
يا عزوتن فوق الثريا به اتلاح = للعزّ مشيه والمعالي مراحه
نور الشمال وصدرها مرتع امزاح = من فاتته بالقول دايح دياحه
لو ما معك غير الفضا خاسر ارباح = باكنافها تملك مساك بصباحه
محلا ربيعه والمطر بالخلا ساح = أحلى من اديار الغريب ومباحه
والله لو لا عازتي والشقى باح = كان اسكنك لو صار صعبن سباحه
سلم لنا يا طير يا خافق اجناح = سلمى واجا وربوع عزّ بجناحه
[/poem]

وسلامتكم أخوكم / طلال الشمري
نقدكم وتعليقكم ما هو إلا شرف ٌ لي

اخي طلال
شعر وفلسفه ..
لايسعني سوى الاستمتاع بـ صمت ..
وارواء ذائقتي بـ زلال الشعر والجزاله
لي سؤال

يــا عـزوتـن فــوق الثـريـا بـــه اتـــلاح

لـلــعــزّ مـشــيــه والـمـعـالــي مـــراحـــه

اتلاح بعرف معناتها
دمت كما تحب ..

بالفعل انها قصيدة جميلة,بل ومعبرة في نفس الوقت,كل الشكر لك أخي الفاضل طلال على هذا الأحساس المتوهج
والأبيات الرائعة,وارجو لك التوفيق والسداد

تستاهل حايل ماقيل فيها

صح لسانك طلال الاسلمي

لاح معناتها : ظهر وبان
فالنجوم لاحت او البرق لاح .. أي ظهرت النجوم وتلألأت او ظهر البرق

يازين حايل وطاريها
يازين القصايد ياكتبو فيها

صح لسانك ياطلال ارق سنود

ياعسلك تسلم مشكور على التوضيح
انا الي اعرفه
لاح برق مثلا

مشكور اخوي وصح لسانك مره ثانيه

صح لسااانك

الله يغطيك العافية على رووعه هالابيات

تقديري لك

حروفي تعجز عن الشكر والعرفان لقلمكَ المبدع

فارجو المعذرة فلا تسعفني الكلمات

جُل شكري وتقديري لشخصكَ

الكريم

لله درك
ابيات جزله مفردات رائعه
صح لساانك مليون

طلال
صح لسااانك
وحااايل تستاهل ياحيي

يسلم منطوقـك شاعرنا على هيك ابيات
مميزه ، ربي يسعدك دوم ،

الله الله
نص جميل بجمآل حآئل
حائل أغنيه يصدح صوتهآ عذباً وتردد صدآه جبآلها الشامخه
أبيآت رآئعه بحق
سلمت وسلم بنآنك
وشكراً بحجم جبآل أجا وسلمى ,,,

:
:

تآهت بين أسطرك و بوحك العذب
تجبرنآ حروفك على السكوت
حتى لانخدش عذوبة الكلمآت الرآئعه هنـا
اشكرك علي هذا السكب الرآئع

:
:

صح الله بدنكم وعسى الله لا يهينكم
على هالمرور اللي اتشرف فيه يا بعدي


كل الشكر والتقدير لكم