خلطه مشاعر

الكل وصف الخلق وتنوع اطباعهم وانا اوصف لكم
وفيها بعض الغرابه اي القصيده
فقد انهيتها لكم بغزل حتى اتقولوا قيس قليل بالغزل
وحتى ادمج بين الاسلوبين وتوصيف

[poem=font=",6,orangered,bold,italic" bkcolor="black" bkimage="" border="none,4," type=2 line=1 align=center use=ex num="0,black""]
بعض البشر وده عن الكون يمحاك=وبعض البشر وده من الكون يعطيك
وبعض البشر يفدى بروحه ويفداك=وبعض البشر جعله لفدوة مواطيك
وبعض البشر يهدي علومه بجفواك=وبعض البشر لا شان وقتك مايجفيك
وبعض البشر يكضم بغيضه وبلواك=وبعض البشر وده يشعشع بلاويك
وبعض البشر يضحك بوجهك ويشناك=وبعض البشر ماهمه الا يخاويك
وبعض البشر يرضى من الناس لرضاك=ويزعل خلاق الله على شان يرضيك
وبعض البشر تظهر عذاريبه اخطاك=زيزوم بزله يدور خطاويك
وبعض البشر وان شاف همك تنصاك=ياقف معك في محنتك ما يخليك
وبعض البشر لو هو من النار يصلاك=ماكنه الا طب يكوي وينجيك
وبعض البشر لو مابعد قالت وش جاك=يفرك بكبده ملته ما يدانيك
وبعض البشر شروى الضياغم وشرواك=لا من نخيته باع خلقه ويشريك
هذاك قدره مثل امك على أباك=ولا اخو مالاج بأمك ولا بيك
نكضم مشاعر تبتدي المدح بهجاك=اهجاء بنفسي وتنتهي مدحتن فيك
وانا حداني وقت يسعد محياك=اللي علومه دوم ترجع وتنخيك
هذاك مع هذاك والثالثه ذاك=وثلاث مع ثنتين والثالثه ذيك
بيّك رشف دله من شهد واعطاك=بفنجال مشروب الغلا ما يسميك
ودي اغير للغزل و اتقهواك=واشرب شفايف دلتك من تقهويك
هي سكره بين الكواكب والافلاك=خيال مجنون المشاعر يمشيك
في مكرته قامت على الشوق تطواك=بين الضماير دق سلكه ويطويك
تطريز في بعض المشاعر والاشواك=ياطا حفا رجلك على شوق غاليك
فيه الوله ياخذ من الشهد حلياك=وله الغلا يسرق من العرق ضاميك
يا وجنتين الورد وشهد بشفاك=هامت مناحل غيبتك في تخطريك
يافاتنه ياشامخه في حلاياك=يامبدعه ياساحره في تغليك
خلطه مشاعر ترشف الما وتضماك=له الغلا والشوق جوفه يناديك
ازعل من همومك ونا ودي أسلاك =وازعل من همومي وبارضاء و اسليك
يشعل فتيل البوح باقصاء حناياك=ويذراء رماد الشوق بعيون مغليك
وانا كضمت الغيض لعيون ذولاك=هذاك مع هذاك والثالثه ذيك
نكضم مشاعر تبتدي المدح بهجاك=اهجاء بنفسي وتنتهي مدحتن فيك

[/poem]
قيس