مجاراة اللجاوي العزيز

بسم الله الرحمن الرحيم

مساكم/صباحكم
له رونق خآآص
لا يليق إلا بكم

وصلتني قصيده من الأخ العزيز وشاعرنا الكبير (( اللجاوي))
وكل الشكر للطله الحلوه الراقيه
مداعبات لجاويات
كم ادخلت لنفسي البهجه والسرور على روعة تميز شاعرنا وروح
التواصل مابيننا
دام نبض وأحساس قلمك يا شاعرنا

وقصيدة أخي الشاعر اللجاوي

حـزن الغيـاب اشـوف رمـزك مـن العـام
شـكـلـك حـزيــن ودنـيـتــك كـلـهـاجـرُوح

مــاأدري عيـونـك تهـجـع الـلـيـل وتـنــام
والاّالسهـرعـيـاعـن عـيــونــك يـــــرُوح

ليـه الـحـزن فــي جـفـن عيـنـك لــه آلآم
وش فيك تزعب من لضى القلب ناضُوح

ودي تـجــاوب لـيــه حــزنــك مــعــك دآم
وحـزنـك يـبـيّـن لآزفـرتــه مـــع الـبُــوح

حـزنــك عـشــق والاّفـقـيـدٍ لـــه أعـــوام
غـالــي رحـــل بـعــداد مايـكـتـب الـلُــوح

اوطـعـنـةٍ مـــن خـنـجـرٍ عـاكـفــه ســــام
طعنـة ظهرتـوجـع ومـعـه لاهــبٍ يـفُـوح

داري بنجـدومـسـكـنـك يــمْـــة الـــشـــام
بيـنـي وبيـنـك مشـتـرك حـــزن وقـــرُوح

كـتـبــت قــصــه وجـفـفــت مـحـبـراقــلام
ومنهـا درج دمـعٍ عـلـى مقلـتـي يـسُـوح

مـثـلـك تـرانــي طـيـرفـي داخـلــي حــام
يخـفـق بـحـزن ومـاكـره داخـلـي يـمُــوح

وكـشـفـت دنـايـانـا تـــرى آخــــره خــــام
تمضـي ونـرحـل ومالـنـا مـنـه مصـلـوح

مــن فــي حيـاتـه بـاقـي الـيــوم بـــه دام
الكـل ماشـي وعــن حيـاتـه يـبـي يــروح

الشاعر /اللجاوي
____________________

وأنا ايضآ جاريته بالأبيات التاليه وهي المحاوله الأولى لي
والسموحه من أي شيء بقصيدتي

سر يا قلم واكتب على الطرس بشمام
للصاحب اللي شذى طيبه على الكل يفوح

يا هلا عد ما طيرآ بالسماء غرد وحام
عد المطر وعداد ما برقآ بسماء نجد يلوح

الصاحب اللي لا نصيته وقت الزحام
تلقاه يمينك وقت الشدايد ويفداك بالروح

حزني يا خوي ماهي قصه فيها غرام
حزني على اللي تحت الثراء وعليها انوح

من غيابها تهت انا في زحمة الاقدام
كل ما حل طاريها النوم عن عيني يروح

أظلمت بعيني دنيا سواد ايامها غمام
حزني يا خوي مستقر في مطلع الروح

هي الروح العزيزه بدنياي وكل الغرام
من فرقاها كل ركن بالبيت عليها ينوح

جروح حزني خلت القلب بقايا ركام
يا حزن قلبي على غياب منه انا مطروح

جبال وادي رم اللي رست فوق الاكام
ياما نعت حزني وانا طريحآ ومجروح

حزني مخاويني حتى لوصمت ماصام
لا حل طاريها صديت انا عن الزاد جنوح

يا الله يا المعبود يا حامي بيت الحرام
يا رحمن تبني لها عندك قمم وصروح

وبالنهايه لك يا طيب كل محبه واحترام
طيبآ على طيب منبتك واضح كل الوضوح

وصلاة ربي عداد ماخط حبر الاقلام
على النبي الهادي اللي تخفق له الروح


أخيكم
حزن الغياب
[flash1=http://dc10.arabsh.com/i/03599/zwre1nrrnoqb.swf]width=500 height=400[/flash1]
دمتم بحفظ الرحمن