المرقب اللي ياسليمان اطريه = تراي في راسه فرشت البساطي

مساكم خير *وشعر* وهذه المتواضعه
-
الله من قلباً الى شاط طاريه = ميسم على غال الركايب يشاطي

اغلى الركايب ياسمه مصخراً فيه = خوفاً عليه من الطمع والغلاطي

ان راحن السبّق بعيده مماديه = وان اعرضن للزين مزيون صاطي

وانا صطأ بي ميسمن ذاق صاليه = بس ان ذا ينشاف وان ذاك غاطي

هدف الضلوع اللي عن العين تخفيه = ياما بهن من غاد غيره مصاطي

جور السنين اللي تبيّن مواريه = شيً جداد وشي منهن مباطي

ياناس لو ينفعني الرجم اعديه = لاكن الى ارقبته يزيد احتباطي

يتلني خطو الطواري واخليه = وامشي ولا ادري لو تزل المواطي

مثلي يتيه ومثلي يدل مايتيه = ومن لامني عله على القاع ماطي

ماني على الدنيا كثير المشاريه = لاكن بهالدنيا لزوم ارتباطي

كل أدمي له في حياته خوافيه = ياكود مخدوم المهد بالمقاطي
-
تحياتي الشاعر\سليمان بن جبيل البلوي

اخوي سليمان بن جبيل البلوي
كالعادي مبدع ورائع بكل الحالات واسمح لي اجاريك بهذه الابيات لو مهي قد المقام
لكن تسمح لي والله اني الان كتبته ولا ادري لو فيها اخطا املائيه


















بسم الله الرحمن الرحيم
الشاعر\ مشعل عسام التريباني الشمري
((مجارات للشاعر\ سليمان بن جبيل البلوي))في 9\2\1435هـ

المرقب اللــي ياسلــيمان تطريه(1)تراي فــــي راسه فرشـت البســــــاطي

مشـــيت للمرقاب وارقبت عاليه(2)ابغى ســعت صــــدري وزود انبساطي

قلبــي لفح ثم قلت ادورمشــاهيه(3)يبـــــــي الرفاع ولايطــــيق الـــتواطي

الله مــن قلبن به الهم شـــــــاويه(4)تقول يفــرك فــــيه شــــــوك الحماطي

اليا ذكــــــرت مــبعدين المناويه(5)اللــــــي بهم عـــزي وزود اغــتباطي

ربعن خذو من طيّب الفعل غاليه(6)حطـــو على روس الحـروف النقاطي

اهل نجـــورن هاتش الليل تدعيه(7)ببـــيوتهم يفـــــوح ريح الشــــــواطي

ارداهم اللــــــي مايزعّـل عوانيه(8)ولاحسّب المكسب بوســــط الشناطي

شــين الزمن لحقت عليهم بلاويه(9)راحــو مــــن الدنيا بعزم ونشـــاطي

الكل منهم نالت الجــــــود اياديه(10)دشّو ورى الامجاد وسط الشواطي

قلبي عليهم مصــرماتن عراويه(11)اليا طـــــروقلبـــــي يجيه اختباطي

قلبي عجز ينسا ولو جيت اسـليه(12)مــــن عقبهم حالي تزودانحطاطي

عســــــــالهم في جنة الخلدترفيه(13)في عالي الفردوس دون اشتراطي

مشعل التريباني


صوت وصدى اكثر من رائعين

صحت السنتكم وسلمت يمانيكم ولا هنتوا

ابدعتوا واطربتوا

يالعزوه ابليت لا عدمتك

متميز ورائع

سجل الاعجاب


تحيتي ...

اخوي بندر الساكت
مرورك شرف وشهادتك وسام الله لايهينك شكرا لك

شآعرنآ القدير مشعل التريبآني
صحت ألسنتكم مدد
أبيآت جزله رآآئعه
أبدعتوا وأمتعتوا
لآهنتوا ,,,

على النيه
شكرالكي على المروروالاطرى لاهنتي

شاعرنا الفاضل

مشعل

صح لساااانك

الله يعطيك العافيه

تقديري واحترامي

نجلاء

:

رائع ياعميد الشعراء لله دركم جميع الجمال بالصوت والصدى والروعه تمثلت بتحاكي المعاني

شكرا لكم جمييييع ,,,,,,,,, اعجابي الخالص

نسج أنيق يعانق الحس وبشكلٍ جميل
لحرفكم الكثير من التحية والتقدير
دمتم بهذا العزف الأنيق

صح لسااانك استاااذي
لاهنت

يسلم منطوقكم كلكم شعرائنا الافاضل
قصائد جميله للغايه ، عوآفي مآقصرتوا
ربي يسعدكم ،

شكرا لجميع الاعضا
وشكرا لجميع العضوات
شكرالكم جميعا على المروروالاطرى الله لايهينكم