يامرامي

[font=Arial Narrow]بسم الله الرحمن الرحيم



[poem=font="Simplified Arabic,5,black,bold,normal" bkcolor="transparent" bkimage="backgrounds/27.gif" border="ridge,6,orange" type=2 line=0 align=center use=ex num="0,black"]
يامرامي مانقص وزن تقديرك= لو عيوني تسهر الليل من شأنك

بس لو غيرت طبعك وتفكيرك= يابعد روحي ترفق بخـلانك

ياسمي الريم والميم ماغيرك= آهـ من يقطف ثمر ورد بستانك

سيدي ماأحلاء كلامك وتعبيرك= بس حظي عاش هجرك وحرمانك

نوب أقول إن الظروف أخلفت سيرك= ونوب أقول إنك تكاثرت عشرانك

والحقيقه بينتها مصاخيرك= مذهبك يظهر على لون فستانك

صرت أسامح وآتقبل معاذيرك = حتى لو عذرك مثل وجه جيرانك

لايحسك جرح حبك وتدميرك= وأنت حطمت الزوارق بهجرانك

إرحم اللي منك يشكي مشاويرك= إنتحيت لدار وأخفيت عنوانك

صدقيني يزعلني مخاسيرك = تفقديني وأدري الموت فقدانك

علميني وش نهاية تقاريرك= قبل أفكر يا حياتي بنسيانك

كم تحملت الشقاء في رجاء خيرك = كم وكم قلت القصايد على شأنك[/poem][/font]

((( الشاعر/ مبارك طناء مبيريك التبيناوي)))