وحظي طاح ملعون السقاف بدرب خله ضايعن منعاقي

[poem=font="Simplified Arabic,6,black,bold,normal" bkcolor="transparent" bkimage="backgrounds/27.gif" border="ridge,6,orange" type=2 line=0 align=center use=sp num="0,black"]


جـذبـنـي بـارقن شاق الضماير للحـبايب والـنـواظـر شـده=وانا قبل الـمحـبـه والـهـواجـس ماشـفـقت انـشـد عن البـراقي
عـسـاه بـدار من كل الدروب لشوف ضحـكتها غـدت مـنـسـده=عسى وبل المخايل فوق دار صويحـبـي وغـيـومـهـا تنـسـاقي
الا ياراكـبـيـن الجـيب صبري مع هوى بالـي تـعـدى حـده=وكان الهجـر طـاول صار جـرحـي بالـضـماير فوق مايـنـطـاقي
ابـيـكـم تـصبرون بـقـدر مانـمـلي جـواب ولاتطـول الـمده=وابي مـعـروفـكـم تعـطـون قـافي للحـبـايـب مـن خـفـوقـن ضاقي
وابيكم تنشدون الزين عن سـبـة جـفاه وعـن سـبـايب صده=وعـن مـصـلوح روحه من عـذابي يـوم يـرمـيـني كسـير الساقي
علام الزين ماجاني عـلى مـيـعـادنـا مـدري وش الـلـي رده=ولا احـسـب الـغـزال يـصـيـر بـعـهـود المحـبـه والهـوى بواقي
انا من راح مـوعـدنا غــدت دنياي من نار الحـشى مـسـوده=خـلافـه للـوعـايـد هـو سبـب حوسـة مزاجـي مع خـراب اخلاقي
واذا شفتوا كحيل العـين في وصل الـمـحـبـه خاطره مـا وده=يعلـمـنـي لاجـل يرتاح قـلـبـي من قـعـود الـعـصر بالـمـشـراقي
انا من شفتها شـالـت خـفـوقـي بالجـديل وفي بـيـاضة خـده=واحسب الزين يصدقـنـي بـمـيـعـاد الـغـرام ويـوفـي المـيـثـاقي
وهو من شاف قلبي ضاع في سـكـة غرامه قـام يـلـعـن جــده=رمى قـلـبـي طـريحن في غـرامـه من لهايب حـسرتـي واشـواقي
عيون الطير الاشقر يوم طـالع ثـم فـز ومـن قـنـص به هــده=شـلـع زرمان ثـم ادلا وحـاس الجـول كـنـه بالـوصوف شـلاقي
غدى بفروقهن عاصوف كان الريح في دخلة شـبـاط اشـتـده=ولو ياخـذ صنوف الـطـيـر مثـله في طـيـور الـصـيد ماهـو لاقي
وانا اللي ذقت نيران الحسود اللي قـطـعـنـا والحـبـايل لــده=ومن شـيـن الـنـصـيـب ابـعد ولـيـفـي بالـغرام وصار مايـنـذاقي
ولو حاولت اهاجم خفت من فوز الحـسـود بهجـمـتـن مـرتــده=ونـصـبح عن عيون اللي خـذانـا بالـمـحـبـه فـي نـبـاء شوهـاقي
الا يازيـن عــد الـلــي يجـيـك من الـعـوذل فـي هـوانـا عـده=ولايـنـفـع غرام الـزيـن كان انـه نـزل وانـتـه عـقـبـتــه راقـي
الا واضيـم من شـاف الـغـزال اللي سـبـاه وظـن مـحـدن قـده=وحـظـه طـاح مـلـعـون الـسـقـاف بـدرب خله ضايعن مـنـعـاقي[/poem]