لاتذرف دموعك على جـال قبـري

متواضعه لقلوبكم


[frame="15 98"]شفتك معه تمشون بالسوق واغضيت
ذكـرت حبـن بيننـا كـان عـذري
والله لو تدرين وش عقـب سويـت
ما طاوعك قلبك علـى شيـل وزري
انتـم تعديتـوا وانـا مـا تعديـت
عجزت اسير وضاقت الارض حدري
انتـي حسبتينـي لمحتـك وقفيـت
وانـا شجونـي ثايراتـن بصـدري
ردتنـي الصدفـه لوقتـن تناسيـت
يوم ان حبك بـا الشراييـن يجـري
ايـام فيهـا حبنـا عالـي الصيـت
لا واحسايف حبنـا ضـاع هـدري
نسيت وقتن فيـه لا زرتـك البيـت
تبدأ تهللـي يـا بعـد كـل عمـري
نسيت قولك يا بعـد حـيِّ و ميـت
عاهد واعاهد لا يجي منـك غـدري
نسيت حلفي يومي اقسمت واثنيـت
اني ما خونك وانت بالحـال تـدري
وعاهدتني واخلفت وانكرت واشقيت
وانا احسب انك عارفٍ ويش قـدري
يا ما على بالـي ودنيـاي عزيـت
وياما فديتك باجمل ابيـات شعـري
ياما من ابيات الغزل فيـك حطيـت
اتخيل انـك ناويـن يـوم هجـري
ظني صدق جاني خبر ويش سويـت
انت برضاك اظلمت ليلي و فجـري
لا تعتذر ما لك عـذر لـو ترضيـت
عمر الهوى لا ضاع ما فيـه بـدري
ولا تسكب دموع النـدم والتناهيـت
وانت السبب باللي جرى لي ويجري
كان انت مستانس انـا مـا تهنيـت
يشهد على شكواي دمعي وسهـري
وان كان حظك جاب لك مـا تمنيـت
انا حظيظ بـزود حلمـي وصبـري
يللي علـى حـبِّ عزيـزن تعاليـت
لا تذرف دموعك على جـال قبـري[/frame]