بعد أن طال الغياب - أهديكم (القمـــة) فأنتم تستحقون القمة وأكثر

السلام عليكم ورحمة الله وبركاته


كلمـــــــة لا بد أن أقــــولها :

أتيتكم بعد غياب أقـــــدم لكم إعتـــــذاري عن ذلك , وأشكر كل من رحب بي في قسم الترحيب وقد سرني ما رأيته هناك من كرم أهل الكرم وليس مستغرب عليكم فشكراً لكم جميعا ً.

عند حضوري لهذا المنتدى الراقي بدعوة عزيزية من رجل عزيز أتيت رغم كثرت المشاعل وقلة أوقات الفراغ - كنت سعيداً بتواجدي وتواصلي معكم ولم أزل اعيش هذه السعادة وأسأل الله عز وجل أن يديم المحبة ما حيينا وأن نجتمع على الحب والمودة والتقدير وحسن الخلق , فكل شي سيذهب مع الأيام ولن يبقى سوى السيرة الحسنة والذكر الطيب.

جعلني الله وأياكم ممن يحتفى بقدومه ويذكر بالخير عن غيابه .

ــــــــــــــــــــــــ
ــــــــ
ـــ
ـ

بوابــة الدخــــــول :-


إن جيت ماهي جيت إنســـــان عـــــــادي
وإن غبت غيبــة من يبـس في شـــداده

وشمس الكرامـة لو عطتنــي ســـوادي
ولا ظــــــلال العوشــزه , والكـتـــــاده

ــــــــــــــــــــــ
ـــــــــــــ
ــــ
ـ

صـــــــــوت .. وصــــــــدى



[frame="2 70"]
يا مرحبا ترحيبة الصبح للشمس = حزة عنـــاق الليل مع طلعــــة النور

في لحظة كل المعاني غدت همس=والقلب غارق في بحر انس وسرور

العين عافت نومها من ضحى امس=لا شك جابرها وانا صرت مجبور

يا مرحبــــا باللي تمايل كما الغرس= لا ذعذع النسناس في وقت باكور

بك رحبت روحي قبل تدرك النفس= اعداد ما غرد على الغصن عصفور

منــــــــــاهي

ـــــــــــــــــــــــــ

عذرا ً بعد حيي - عقب ما أبعد الرمس= جيت اللتمس عذر- وشذى ورد وعطور

فعل الوفـاء والطيب مــا يقبل الطمس = واللي كتبلي جزل الأشعــار (مشـكور)

أهلا ً عـدد ما تصفق الخمس بالخمس= بمدرج الملعب .. وماصـــاح جمهـور

وإعـداد مــا داعبت الأرقـــام باللمس= في لوحــة الجـوال رايق .. ومقهـور

وإعداد ماباكر غدا اليوم وأضحى أمس = يا مرحبا والشـعر وآفي ومحكور

والخــاطر اللي بالكدر منعمس عمس= صـارت حدايق نشوته شعر وزهـور

طال الغياب اللي حمس فرحتي حمس = لكن لو أعطيك السبب .. قلت معذور


(حمود بن عيسى التميمي)
[/frame]


ــــــــــــــــــــــــــــــــــــــــ
ـــــــــــــــــــــ
ــــــــــ
ـ

قصيــــــدة القمــــــــة
أتمنى أن تنـــــال رضــــــاكم








[poem=font="Arial,6,black,bold,normal" bkcolor="white" bkimage="" border="solid,4,black" type=0 line=1 align=center use=ex num="0,black""]
قال ابن عيسى التميمي جيت ياوجيه السعد =جيتكم رجــل ٍ طموحــه دوم للقمـه يحــــّده
=
وقالوا أهل العرف ما مات الذي خلف ولد =ماشياً درب المراجل درب أبـوه ودرب جده
=
والقصيـد إن جــاء مجـاله كل من جـدا وجد =وهيبة الشعر بعكــاظ إن راد ربي نسترده
=
الثقـــافة والأدب مــــوروثنــا أبـــا ً وجــــد = شاربينه شرب فنجـــال ٍ وريث الطيب مده
=
عــــارفين المتصـل والمنفصل في كـل مـــد =نعطي الساكن سكون ومن بغى الشـّده نشده
=
من ثقـــافتنـا بحـــــورٍ لا تقـــاس ولا تعــــد =تغرق اللي يبـ يقيسـه تتعب اللي يبـ يعـده
=
عـــادة ابيــات ابن عيسى ما توقف عند حـد =( دام للفكر امتـــداد ولأغـلب الأفعــال رده)
=
والنصـــايح بالجزيلـة مــا تسـكن فــي لحــد =دايـمـــا ً عــذراء عفيفة كل رجــالٍ تشــده
=
وانصـــح اللــي رغبتـه بالشعر تـــوه بالمهـــد =لا تعجــل في ظهورك وازرع الفكرة وجــده
=
وإن قريت اقر الجزيلة وإن سمعت اسمع بعد =شــاعر ٍ تلقـى بيــوته من تقئ الله مستمـده
=
وأعلم إن اللي تقوله يوم تلقى الله شــهد = وإن ظلمت الناس جالك ظالمٍ لــو بعد مــده
=
والأمـــاني والمعـــاني مـــا تجــود لمن رقـــد =والنعــم ما طالها منهو عشق لين المخـــده
=
وانتبه تخطي على سعيـّد لجل ترضي سعـد =وأعرف إن ألامعــه بالشعر للجاهل مهــده
=
وقدر أصحاب المـروة والأخـوة والعهـد = وقـدر الصاحب وصـاحب والدك واجب تــوده
=
والمديح يسمج اشعــارك لو شعرك مدد =إن مدحت أمـدح كريم وبد راع الـدين بده
=
ولا يغرب هيلميٍ بالرخـى مثـل الأسد =ولو بغيتـه ما لقيته وقت ضيق ووقت شـّـده
=
وإن لمحت الرجم عالي عـّد صوب الرجم عـّد= عــّد روس النايفات ونظــرتك قـدام مــده
=
وإن وصلت القمه أركد وإيزن أقـدامك وهـد =وأعلم إنك ما وصلت اللي وصلت إلا أنت قده
=
وأعلـــم إن القمـة أقــرب للبروق وللــرعـد =ويا كثر ناس ٍ تصيـد غلطتك في كل حــــده
=
خل عنـدك طــول بال وبعُـد نظرات وجلـد =ومن تمـادى علمه قـدره ومقـدوره وحــده
=
الحبـال ليا تثنت وأصبحــت كلـه عقــد = خلها فدوة عقـول ٍ للمشــاكل مستعــده
=
حمود بن عيسـى التميمي
[/poem]

صــــــــــــوتيـــــــــــــة

[MEDIA]http://www.4shared.com/embed/236225029/5c706230[/MEDIA]