شمر هلي

نص جديد أتمنى أن يروق لكم:

[poem=font="times new roman,6,red,bold,normal" bkcolor="transparent" bkimage="" border="none,4," type=2 line=0 align=center use=ex num="0,black""]
أرجوك يابنت الأجاويد تكفين=لاتحرجيني بالطلب غصب عني
طبعي كذا ماأحب باب السلاطين=على كذا عايش ومن صغر سني
ماني من اللي يطلبون الملايين=ولأني أحب أعيشها بالتمني
صحيح أنا عايش وبلشان بالدين=وإيجار بيتي جيته تمتحني
وصحيح لاجوني ضيوف عزيزين=أحياناً ذبحي دين وأحيان مني
لكن منا صايرمن اللي تقولين=لشاف راعي بشت جاءله يوني
إذا بغيت أمدح مدحت المسمين=اللي بهم شعري فخر يوم أغني
اللي لهم تاريخ بالعسر واللين=بأطرف بشر فيهم فلاخاب ظني
شمر هلي ويجف حبر الدواوين=ماياصل لوصف الطنايا يكني
هلي هل التاريخ والمجد وافين=كتب العجم قبل العرب يعرفني
من متحف اللوفر إلى وسط برلين=وكل الكتب في دورهم يذكرني
تاريخ والتاريخ فيه البراهين=وأنا على التاريخ ماني متجني
من غير قاصر بالرجال الميامين=كل القبائل بالوفاء يطربني
[/poem]
فلاح العايد