لايغرك

لايغرك ياصاح كثرت اموالك .
يبقى واحد ويرجع الاهل والمال.
يمسح اسمك ويوخذ رقم جوالك.
كل واحد يعرفك يمسح الجوال .
الله يرحمك ويصلح لك احوالك.
والله اعلم سبحانه في كل حال.
ومايذكرك الا بناتك وام عيالك.
ويمكن الحرمه تزوج تترك عيال.
واهلك ينسون مزحك مع خبالك.
اذا كان في شي من كثرت خبال.
والاحباب ينسونك وينسون موالك.
اذا كان لك في المجلس كثرة موال.
بعد الموت تجرد من فسخ سروالك.
مثل ماجابتك امك بدون سروال.
وينسونك عمامك ويمكن خوالك.
اذا كان لك بالدنيا عمام وخوال.
بادر وذاكر لاجل تجاوب سؤالك.
واسئله يافتى ماهي أية سؤال.
عند مليكن مصدقه كل اقوالك.
تكثر عليك شهود في القيل والقال.
من اول في المجلس واسعن بالك.
كلن يقول ياصاحبي عندي تعال.
كلن يقول صب واقدع هات فنجالك.
واليوم لاصب ولااقدع ولا فنجال.
الموت حق وكل مافي الكون هالك.
دنيا مالها قيمه في القرش والريال.
على ماقال ابو بكر كفى عنك ذالك.
ذكر لسانك تنفعك في صقعت الجال.
الله يحشرنا مع الرسول وابن مالك.
وابو بكر وعمر وعثمان وبلال.