الشوزن بالمخازن (اهداء للاخ الحسيني)

[poem=font=",6,orange,bold,italic" bkcolor="black" bkimage="" border="double,4,royalblue" type=2 line=0 align=center use=ex num="0,black""]

يابوصالح لا تمالح وابتعد عشر وثماني=والشوازن بالمخازن والقياده شمريه
القذايف له ردايف تمصع القلب الجباني =وان طلبتن جاك كبتن والولاده حايليه
بان شرك في مقرك لاشعور ولا حناني=وحول جيشي ماتعيشي والقذايف لولبيه
قبل تدعي جاك ردعي ظاهر سر وبياني=او تهاجر يم ساجر بالخطوط الهاشميه
القذايف بالقطايف واللهايب بالمباني=والهوادي بالبوادي والنوادي سرمديه
كالعروبه في حروبه نارها ضد الدواني=والفوايد للبعايد عكس سير الجاذبيه
لو عصيره في مصيره ماتعدى للمواني=ماوطانا اللي قطانا للدروب الشقلبيه
شف جربنا من عربنا لامقام ولا كياني=بالمجاعه والقطاعه والعبث والعنجهيه
له مثايل حول حايل يوم رمي الكيرواني=والعمايم كالنعايم تدفنك والروح حيه
والعقايد كالوقايد مع هبيل صيرماني=والنصايح كالمنايح بالكفوف الحاتميه
الذريعه بالشريعه للشحيح المربحاني=والحقيقه في طريقه تظهر النفس البريه
والمصايخ بالمشايخ في فقيه بهلواني=والخلاصه في قلاصه بالوجوه المذهبيه
والنصايب بالغصايب لو زعل كوفي عناني=لو تحاول بالمقاول يجدعك حبل المنيه
وزان لي بدع القوافي دام نور العين جاني=وصار لجزال القصايد بالضماير قابليه
دام للشعر الاصيل بضامري عدة اواني=وفي دواليبه ثمينات الحروف الجوهريه
والقصايد لابغيته وزن واهداف ومعاني=نور علم وشرح حلم وجرح وعلاج وقضيه
ماتطيش ولا تسير بلا حبال ولا سواني=من ضمير فيه شعر وفيه ذوق وشاعريه
يشرح افكاره بقاف يشبه انغام الكماني=لا نشاز ولا برود وصورته ماهي خفيه
لانظمها اللي يقدم لك على الجوده ضماني=ورث شيبان القصايد من عصور الجاهليه
القصايد في فياض الصدر ماتاخذ ثواني =كنها وبل السحايب بالمزون الموسميه
مثل قاف الشاعر اللي من ينابيعه سقاني=وصار ميراثه بيوت كلها طيب وحميه
واللهيب اللي كواه بنفس مسماره كواني=بالعيون اللي هدبها يحرق الروح الشقيه
[/poem]

ماشاء الله تبارك الله

الشعراء هالايام منووورين بعد حيي دوووم يارب

صح لساااانك شاعرنا القدير

الله يعطيك العافية

تقديري واحترامي للجميع

صح لسااانك شاعرنا القدير والراوي فواز الغسلان
حبكه على جميع الجهات
يالامير
والمعنى ببطن الشاعر
وانت اهل الشعر يالامير
انت بكل ماتحويه تبقا علم لشعر
طبت وطابت ايامك
اجمل الحروف تتجوها بابداعك
كل التحاااياااا لشخصك الكريم

الله عليك أستاذي وعلى قافك الصاعق
اشهد بالله انك دفنت المعنى وصليت عليه صلاة الغايب
قبله على جبينك وعلى جبين شعراً خطه قلمك

لله درك شآعرنآ القدير
ابدااع بلآ حد
فصح لسآآنك حتى الرضآ
وسلم فكر ويمين صآغ هذه الجزله الرآئعه ,,,

صح لسانك شاعرنا
يعطيك العافيه ولاهنت

:
:

صح لسانك ملاييييين ع النص الرائع
تقديري

:
:

/

هنا بدأ القصيد يتحدث وكأنه ينادي لمتذوقي الشعر ,,,, لله درك وصح لسانك

أجد قافي المتواضع ينحني إحتراماً لمقام شعرك العالي ,,,,,,أسعدتنا أستاذنا

لا تحرمنا من مثل هذه الروائع دوماً ننتظر جديدك

الراوي الشاعر الغسلان
عجبني ادراجك وقافيتك ووزنك لكل قصايدك
واكثر شي عاجبني
لهجتك الاصيله وعدم التصنع



صح فكرك والسانك

اختك
القاسميه

لله درك
ولنا دررك
كم سعدت بهذه الرائعة وأنا أقرأها
وكل بيت أكرره مرات من حسنه وبدعه
صح لسانك ملايين ياشاعرنا المبجل
وننتظر جديدك

ابياات جزله ولا هنت ي الغالي

اخواني واخواتي الاعزاء

ان الاهتمام في قراءة الاشعار والتذوق الواضح هنا

يجعلني ازور هذا القسم دائما ولولا الاشغال الدنيوية

وكثرة الارتباطات لما خرجت من هذا القسم

كل الشكر والتقدير

ان كان للقصااااائد اسيااااد فــ(( فوااااز الغسلان)) سيدها