نوبٍ يقول ابيك ونوب ايتعبط = وانا صريح ولا احب العباطي

بسم الله الرحمن الرحيم

السلام عليكم ورحمة الله وبركاته

اطرح لكم قصيدتي المتواضعه وان شالله تنال اعجابكم



[poem=font=",6,,normal,normal" bkcolor="transparent" bkimage="" border="none,4," type=1 line=0 align=center use=ex num="0,black""]
ياراكـب الـي للبعيـدات مشتـط=بريطاني التصميـم مابـه خلاطـي
رنجٍ جديدٍ يعجبـك لامسـك خـط=اليا مشاء كنه على زهـور ياطـي
لاشفت مشيه كنـه الذيـب الامعـط=او حرٍ اشقر شاف شوفـه وشاطـي
صنعه يهودي لاكن ابـدع وضبـط=جاب الحروف وحط فوقه انقاطـي
ياسايقـه بعطيـك قـولٍ مصـفـط=قافٍ على اط وقاف الاخر على اطي
وانحربها للي على الطيب قـد نـط=لذيب محسن من سلايـل امقاطـي
شاعر فهيم وعنده علـوم وخطـط=بحر شعر ماهـو بمـوجٍ وشاطـي
قله ترا متعب غـدا اليـوم منغـط=الهم في قلبه غـدا اليـوم ساطـي
بسباب غـروٍ فيـه قلبـي تـورط=من سبته ماعاشـت انـا بنبساطـي
الحـب مـن بينـي وبينـه تمغـط=نوبٍ صحيح ونوب حـبٍ خراطـي
نوبٍ يقـول ابيـك ونـوب ايتعبـط=وانا صريـح ولا احـب العباطـي
وجدي عليها وجد مقروص الارقـط=ماحولـه الا دلـتـه والبسـاطـي
في سهلـهٍ مابـه بيـوتٍ ولاشـرط=والسم مـع دمـه بـدا بختلاطـي
وش هقوتك يالذيـب بحـبٍ تمغـط=نوبٍ صحيح ونوب حـبٍ خراطـي [/poem]



اخــــــوكــــم / مـــتـــعــب الـــلـــغــــيــــصـــم

قصــيده إمتلـأت بالمــعـآني الجزله ..
يسلمـ حسك عزيزي ..

جُلَّ التحـآيـآ .,,

راااااائعة

بأنتظار جديدك

رائع ياللغيصم
اجدت وابدعت
رغم صعوبة القاف

صح لسانك

وش هــقـــوتـــك يــالـــذيـــب بــــحــــبٍ تــمـــغـــط ** نـــــوبٍ صـحــيــح ونـــــوب حـــــبٍ خــراطـــيي

صح السانك على هذه القصيده الرائعه المعانى تسلم أخى متعب لا عدمناك

شاعرنا الرائع \ متعب اللغيصم
نص اكثر من رائع
وابيات عذبه وراقيه
صح لسانك حتى الرضا
على ماخط احساسك واناملك
تقبل مروري برائعتك
و دمت بكل خير وسلام,,

وعليكم السلام ورحمة الله وبركاته


صــ‏ــح لسانك !

نص عذب ،، جزل ،،
ممتلئ بالمشاعر الصادقه ..

أبدعت والله

قصيده رااائعه
راقت لي جدا
صح لسانك

صح فكرك وبوحك ونزفك
لاتحرمنا جديدك

صح لسانك واعتلا شانك
ابيات جزله من شاعر جزل
عافاك الله
بشوق لجديدك

كلمات كبريق الالماس جميلة ورااائعة
إبداع حقيقي نابع من روح جياشة بأصدق المشاعر وأنقاها وأعذبها..

لسمو مشاعرك وفخامة قلمك أرفع لك قبعتي إحتراماً ..

دمت سعيد للابد
تحيـــــاتى القلبيه لك
وورداتــــــــــى

صح لساانك
حضوور رائع من خلال هذا النص
قصيدة مدووية بحق عانقت السماء شموخا
تدل على وجود موهبه شعريه رائعه
شاعرية تستحق المتابعة والتصفيق والاحتفاء
دمت بهذه الروعة وننتظر جديدك فلاا
تحرمنا عذوبتك ونبض قلمك واحاسيسك

صح لساااانك روووعه

صح لسانك وعلا شانك
قصيده رائعه .....
كانت هنا ...... عيوونها موووووت

الله يعطيكم العافيه

على المرور الرائع

تحياتي لكم واحترامي