:: كل عام وانتم بخير :: | |||||||||
|
التميز خلال 24 ساعة | |||
![]() ![]() |
![]() ![]() |
![]() ![]() |
![]() ![]() |
![]() |
عيدكم مبارك
بقلم : حايليه ![]() |
![]() |
![]() |
كلمة الإدارة |
![]() |
![]() |
![]() |
#1 |
![]() ![]() ![]() |
غدر الخناجر
عفى الله عن غدر الخناجر والضلوع أبطال=باسامح واتركك تحت الظلام الحالك لحالك
دخيلك وفر دموعك ترى هدر الدموع ذلال=وترى مافيه احد يصبر مثل صبري بغربالك أنا عيب على انقض كلامي والرجال افعال=وإذا قلت اقطع حبالك تراني باقطع حبالك عشان اكسب هدب عينك تجرعت العذاب أشكال=وليتك ترأف بحالي علشان ارأف بحالك مسوي في حياتي شي مايذكر ولا ينقال=حشا حتى العدر وهو العدو مايعمل اعمالك تمسيني على الهم وتصبحني على الغربال=تقلطني فناجيلك وتقصر عني دلالك تحملت التعب لأجلك وأنا حملي يهد جبال=رحلت من العذاب وماوقفت الا على جالك علامك كلما اجيك متواضع جيتني تختال=معاك اليا متى باصبر وصبري معك يحلى لك مثل مااقبلت لعيونك لزوم تلد لي باقبال=ومثل ماقد حشمتك حس واحشم قلبي أشوالك انا محد بجابرني أساير معك هالمنوال=ترى لأني تبيع لك ولاني بأصغر عيالك أنا جيت اعشقك نبض ومشاعر ماأعشقك تمثال=انا جيت اسكنك واحياك وأبقى فيك وأبقى لك أنا جيت بظمى عاشق تعب يطرد سراب اللال=أنا جيت استفز رضاك من فرقاك والجا لك أن ماهمت بك عاقل انا كنت اعشقك بخبال=انا ماكنت احبك حي انا كنت أعشقك هالك تخيل من كثر ماخاف تلقى للزعل مدخال=اخاف أخطي على طيفك وادوس برجلي ظلالك تبعتك والعرب تتبع رعود البارق الهمال=وصرت أقرب جسد يمشي معك باقفال واقبالك أبي قلبك يحس انه فقد بمحبته رجال=ملكته من هدب عين وخسرت ارضاه باهمالك صحيح ان الفراق اقسى ولكن الوصال محال=وأنا صعب على ارضى غرورك واضعف قبالك بعد ماحققت عيني في بعدك للرقاد امال=اعود للسهر.... يااخوي فال الله ولا فالك ببدل نظرتك فيني واجي لك كل يوم بحال=باكون اقرب من ثيابك عليك ولا اتهيالك با المك وانثرك واجمعك وارجع انثرك باهمال=با اخونك وازعلك وارضيك وازعل منك وارضى لك ابا ارسم بالثرى وجهك وابا ادفن صورتك برمال=ابا اشكي للعرب فرقاك واضحك عند عذالك ابا اهديك الوصال فراق واهديك الفراق وصال=باسوي مثل مااشوفك تسوى وافعل افعالك عشان تعرف من فينا الزعول ومن وسيع البال=ابيك تذوق فنجالي وانا باذوق فنجالك نصيحة واحتفظ فيها قصر معك الزمن او طال=أبي تسمع كلامي زين وتحطه على بالك إذا حبك هبال أطفال لك عندي هبال أطفال=ولا وابشر بعد بهبال حب ماهو هبالك وإذا قصدك تهين اسمي عشان تشمت العذال=حشا لا انته ولا غيرك ولا عشره من اشكالك انا محد بجابرني أساير معك هالمنوال=ترى لأني تبيع لك ولاني بأصغر عيالك أنا جيت اعشقك نبض ومشاعر ماأعشقك تمثال=انا جيت اسكنك واحياك وأبقى فيك وأبقى لك أنا جيت بظمى عاشق تعب يطرد سراب اللال=أنا جيت استفز رضاك من فرقاك والجا لك أن ماهمت بك عاقل انا كنت اعشقك بخبال=انا ماكنت احبك حي انا كنت أعشقك هالك |
![]() |
الذين يشاهدون محتوى الموضوع الآن : 1 ( الأعضاء 0 والزوار 1) | |
![]() |
|
, , , , , |
|
|