صعبه عليّ أفهم خوافيك
والله ولو الموت فإيديك
روّح أنا ما عدت أبغاك
والله خساره دوم أداريك
والله خساره حب يعطاك
ضيّعت عمر ٍ كان يغليك
ظيعت عين ٍ تبغي تفداك
ضيّعت قلبٍ كان يرجيك
روح ٍ تناجي دوم تطراك
صعبه عليّ أفهم خوافيك
ما قدرت أفهم وين مرماك
ما ادري وش إللي حاصلٍ فيك
غيرت عنا سير مجراك
يمكنه غيري زان فعنيك
ونسيت قلبٍ يبغي رضاك
ونسيت شخص ٍ صان ماضيك
مخلص ويبغي يوم لقياك
إمسك بجمره وسط كفيك
صعبه تتحمل حرق يكواك
هذي الخيانه ما توديك
لغير دربٍ عوف هلاك
ولا يغرك فرح يحويك
بيجيك هم ٍ زود يشقاك
يجعل لدمعك درب يخويك
والهم ثوبٍ صار يرداك
إسمع كلام ٍ صدق يكفيك
على ما صار حق يجزاك
إشبع جروح اليوم تدميك
خاين وأدعي الحزن يحواك
أكرهك وعفت حتى أساميك
وعفت طاري ياي جدواك
لا ترتجي إني براضيك
ما عدت أبغي ذل دنياك
إنسى بأني يوم أناديك
وإنسى حبيبٍ كان يهواك
روّح زمان ٍ كنت أحاتيك
روِّح ولا ابغي شخص شرواك
إنته مع النسيان بطويك
وأطوي كتاب الحزن وياك
واليوم ببعد عن أراضيك
وهذي النهايه كان كفّاك
|