العـــطــــا..مشاركه تطلب ارائكم

السلام عليكم ورحمة الله وبركاته

اضع بين اياديكم القصيده الثانيه وان شاء الله تلقى استحسانكم

وسموا بسم الله


العطــــــــــــــــــــــــــــــا

ان كان جرحي يسعـدك ياحياتـي= اجرح عساني مانحرم من جروحك
راضي بتعذيبك هوى القلب عاتـي= اجرح ولاتشقي من الهـم روحـك
كلي فدا قلبـك انـا لـك حياتـي= اسعد بشوفك وانتشي من شروحك
ودي اعيش الحب واسقيـه ذاتـي= ودي اعيش الليل اسامرك بوحـك
طبع الوفا طبعي وكامل صفاتـي = بس انت طاوعني وارخي جموحك
عجزت اصور لك همي وعناتـي = يوم ان قلبي لوعته منـك نوحـك
لو تبتعد عنـي تحاضـي وفاتـي= لاجل ان قلبي عايشاً لك بروحـك
الموت في اسمك وروعتك جزاتي= حسن وادب واخلاق تبني صروحك
ليت الهوى والحب يروي ضماتـي= وياليت حبي هم يسكـن طموحـك
من لي سوى غيرك يجمع شتاتـي؟= ودي اعيشك حلم وارقى سفوحـك
فـي غيبتـك قلبـي بهمـه يباتـي= ودي اساير لعبتـك فـي نزوحـك
ساري بهمه والفـرح فيـه ماتـي= همـاً بتـر همـاً تعايـد رموحـك
لاتشتكي همـك انـا لـك غناتـي= ا شيل همك واعتذر مـن فروحـك
دقيت باب الحـب واتعبـت ذاتـي= ولقيـت ردك واطلـب سموحـك
ماكنت اعيش الحب ولافيه احاتـي= الين شفت الحب يرعـى بروحـك
ياحي موتـاً ينتشـي مـن اهاتـي= حي المشاعر منبعه مـن لفوحـك
مازال حبك للاسـف فـي ثباتـي= وانته ولاتـدري بحبـي يجوحـك
من هو على خبرك يسوي سواتي؟= يسهر لعينك وينتشي عطر فوحـك
وان كـان ودك تبتعـد ياحيـاتـي= اجرحني يمكن اذكرك من جروحك

وسلاااااااااااااااااااااامتكم وسااااامحوناا على القصوووووووووووووور


تقبلوا دعواتي للجميع بالتوفيق

اخوكم خالـــــــــــــد ((الــــمـــحـــــال))