ريم الجـــوازي .......

اخواني ...... اخواتي
يالله حيّهم اليوم الجمعة .... الله يجمعنا واياكم بالجنة يا رب

اهديكم هذي القصيدة الجديدة ( طازجة جداً )

بعنوان (( ريم الجــــوازي ))

مزنةٍ قام يتلالا برقها وسط الظلام=هيّـجت أغلا المشاعر وانثنت عنّي بعيد
هللت باتلا الليالي والسعد والحظ قام=وهلّل القلب المتيّم في غلاها بالنشيد
الندى يعبث بخدّه .. قلت تجريحك حرام=كل قطرة فوق خدّه كنّـها عقدٍ فريد
الجمال اللي بوجهه من خلقه الله ينام=كنها الباشا بهيبة .. والعذارَى له عبيد
وان تبسّم لي خذاني في متاهات الغرام=اشهد إني يوم اشوفه .. هاني البال وسعيد
وان غضب ريم الجوازي قل على الدنيا السلام=وان رضاء عين المذيّر كل هالايام عيد
والله اني يوم اشوفه اتلعثم بالكلام=رغم ما ربي عطاني من اساليب القصيد